काठमाडौ । राष्ट्रिय संगीतकर्मी संघ जिल्ला कार्यसमिति नुवाकोटको सातौँ वार्षिक साधारणसभा तथा चौथो जिल्ला अधिवेशन यही चैत २४ गते तामाङ प्लाजा रिसोर्ट बट्टार नुवाकोटमा हुने भएको छ । ूहाम्रो कला र संस्कृति गौरवपुर्ण सान कलाकर्मीको उत्थानको लागि हाम्रो अभियानू नारालाई अघि सार्दै सम्पुर्ण कलाकर्मीहरुको निमित्त वि।सं २०६२ सालमा स्थापना भएको संस्था राष्ट्रिय संगीतकर्मी संघ नुवाकोट जिल्ला कार्यसमिति भने २०७४ मा विस्तार गरिएको थियोे ।

नुवाकोटमा मात्र हैन नेपालको ७७ वटै जिल्ला, दुबई, कोरिया, अमेरिका, बेलायत, मलेसिया लगायतका देशहरुमा पनि शाखाहरु विस्तार गरिसकेको छ । नुवाकोट जिल्ला कार्यसमितिले अघिल्लो अधिवेशन पनि बट्टारमै सम्पन्न गरेका थिए । नुवाकोट जिल्ला भित्रका गाउँ तथा नगरपालिकामा पनि २०७६ बाट विस्तार सुरु गरिएको छ । नुवाकोट भित्र रहेका सम्पुर्ण कलाकर्मीहरुको एकताको निमित्त पनि यो संस्था आवश्यकता देखिन्छ । कार्यक्रम २४ गते बिहान ९ बजेबाट सुरु हुने बताइएको छ । कार्यक्रमको उद्घाटन सत्रमा दुई दर्जन बढी कलाकर्मी र समाजसेवीहरुलाई सम्मान गर्ने योजना रहेको आयोजक समूहले जनाएको छ ।