काठमाडौं।लेखक गोबिन्द प्रसाद दुलालद्वारा लिखित दुई पुस्तकको लोकार्पण गरिएको छ ।

प्रधानमन्त्री तथा नेकपा एमालेका अध्यक्ष केपी शर्मा ओलीले नेकपा (एमाले) केन्द्रीय कमिटीको आठौँ बैठकका क्रममा दुलालद्वारा लिखित तथा सम्पादित’शान्ता मानविका प्रतिनिधि रचनाहरू’ र ‘बालचन्द्र शर्मा व्यक्तित्व र साधना’पुस्तक लोकार्पण गर्नुभएको हो।

लेखक दुलाल नेकपा एमाले केन्द्रीय कमिटीका सदस्य हुनुहुन्छ। ‘शान्ता मानवीका प्रतिनिधि रचनाहरू’ मा पूर्वमन्त्री, नेकपा एमालेकि पूर्व केन्द्रीय सदस्य हाल केन्द्रीय सल्लाहकार समितिकी सदस्य तथा अखिल नेपाल महिला सङ्घकी संस्थापिका मानवीका सिर्जना र ‘बालचन्द्र शर्मा व्यक्तित्व र साधना’ पूर्वमन्त्री,राजदूत एवं चर्चित इतिहासकार शर्माको बिषयमा केन्द्रीत रहेको दुलालले बताउनुभयो।

दुलालले पुस्तक लोकार्पणका लागि प्रधानमन्त्री एवं नेकपा (एमाले) का ओली र पुस्तक लोकार्पणलाई कार्यसूचीमा समावेश गरी पुस्तक लोकार्पण गराइदिन महत्वपूर्ण योगदान गर्नुभएकोमा महासचिव शंकर पोखरेलप्रति कृतज्ञता प्रकट गर्नुभएको छ।