रुपन्देही । राष्ट्रिय स्वतन्त्र पार्टी (रास्वपा)का सभापति तथा पूर्वगृहमन्त्री रवि लामिछाने पक्राउको विरोधमा रुपन्देहीको भैरहवामा आज पनि प्रदर्शन भएको छ ।
मंगलबार पनि दिनभरजसो प्रदर्शन गरेका रास्वपा कार्यकर्ताहरुले बुधबार शक्ति बढाएका हुन् । मंगलबार मध्यान्ह साढे १२ बजेदेखि साँझ ६ बजेसम्म उनको बयान जिल्ला सरकारी वकिल कार्यालयमा लिइरहेपनि आसपासका क्षेत्रमा नियमितजसो प्रदर्शन गरिरहेका थिए । आज सबा १० बजे बयानका लागि पुराइएपछि ११ बजेबाट प्रदर्शन थालिएको हो ।

म्बिनी रोडमा रास्वपा नेता कार्यकर्ताले लामिछानेको पक्षमा प्रदर्शनपछि कोणसभा गरिएको छ । रास्वपा लुम्बिनी प्रदेश सभापति देवराज पाठकले मंगलबार आकस्मिक भएर समर्थकहरु थोरै भएपनि आज हिजोभन्दा बढेका हुन् ।

बुधबार प्रदर्शनपछि आयोजित सभामा रास्वपाका केन्द्रीय उपसभापति डिपी अर्यालले सबैतिरको बयानमा सहकारीको रकम अपचलन अस्वीकार गरेको अवस्थामा पनि एकै विषय धेरै जिल्लामा तानेर समय लम्बाउनु राजनीतिक प्रतिशोध बाहेक केही नभएको बताए ।