काठमाडौं । जनता समाजवादी पार्टी (जसपा) नेपालले नेपाली कांग्रेस र नेकपा एमालेबीच भएको सहमतिलाई सकारात्मक भनेको छ । जसपा नेपालका अध्यक्ष उपेन्द्र यादवले गलत नेतृत्वको हातमा देश परेकाले नेतृत्व परिवर्तन स्वाभाविक बनेको बताएका छन् ।

ुपुष्पकमल दाहाल नेतृत्वको सरकार नै राजनीतिक अस्थिरताको कारण थियो । त्यो अस्थिरताबाट निस्किन अत्यन्त आवश्यक भइसकेको अवस्था हो, यादवले लोकान्तरसँग भने, प्रचण्डले धोखा दिनलाई अब कोही बाँकी थिएनन् । जनयुद्धका वीरयोद्धा र घाइतेलाई समेत उहाँले धोखा दिनुभएको थियो । त्यसैको फलस्वरूप अहिले उहाँलाई ओलीजीले पनि ११ हजार भोल्टको झट्का दिनुभयो ।

संविधान संशोधन तथा देशको राजनीतिक स्थिरताका लागि सरकार बन्ने हो भने त्यो अत्यन्त सकारात्मक कुरा भएको उनले बताए । हामीले संविधान जारी भएकै दिनदेखि संशोधन हुनुपर्छ भन्दै आएका थियौं,ु यादवले थपे, अहिले आएर नेकपा एमाले र नेपाली कांग्रेस पनि त्यसका लागि सहमत हुनु हाम्रै राजनीतिक लाइनको भिक्ट्री (जीत) हो । विगतमा संविधान संशोधनको कुरा गर्दा सुन्नै नचाहने शक्तिले संविधान संशोधनको कुरा रियलाइज गर्नुलाई आफूहरूले जीतका रूपमा लिएको उनको दाबी छ ।