काठमाडौं । एक साताअघि ट्रकमा लागेको आगोले क्षति पुगेपछि बन्द गरिएको कर्णाली पुलमा यातायात पुनः मा आएको छ । मर्मत सम्भारपछि आजबाट पुलमा यातायात सञ्चालन गर्न दिइएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक कुलदीप चन्दले जानकारी दिए । उनका अनुसार पुलमा केही समय एकतर्फी रूपमा यातायात चल्ने छन् । दुईतर्फी यातायात चलाइन विज्ञले सुझाव दिएपछि मात्र पूर्णरूपमा सञ्चालन गरिने छ ।

गत सोमबार वीरगन्जबाट लाइटर बोकेर कञ्चनपुर जाँदै गरेको बा ५प ५२९७ नम्बरको ट्रकमा आगलागी हुँदा पुलका १४ लट्ठामा क्षति पुगेको थियो । पुलको वास्तविकता निरीक्षण र अध्ययनका लागि सडक विभागको प्राविधिक टोली मंगलवारदेखि खटिएको छ ।