काभ्रे । भाषा साहित्यमा विभिन्न विधामा १३ वटा कृति प्रकाशन गरि सकेका योक बहादुर घिसिङ ‘योगेश राल्फाली’ र समाजसेवी शेर बहादुर वाईबाको शब्दमा नयाँ तामाङ सेलो ‘खानीखोला म्हाबर’ सार्वजनिक भएको छ ।

चर्चित गायक विश्व दोङ र गायिका सुमिना लोको स्वर रहेको उक्त सेलोमा काभ्रे जिल्लाको दुर्गम बस्ति भनेर चिनिने अझ भनम काभ्रेको कर्णाली भनेर चिनिने खानीखोला र महाभारत गाउँपालिकाको गाउँ ठाउँ र भेग बस्तीको नामहरु समेटेर तयार पारिएको सेलो अत्यन्तै कर्णप्रिय र लोकप्रिय बन्दै गईरहेको छ । गीतमा साविकका गाविसहरु बुढाखानी, बनखु चौर, फोक्सिङटार, घर्तिछाप गोकूले, डाँडागाउँ, साल्मेचाकल ताल्ढुङ्गा, साल्धार र मिल्चेका गाउँ बस्तिहरुको अधिकतम् ठाउँको नाम समेटिएको छ । सार्वजनिक भएको तेस्रो दिनमै गीतले २३औं हजार स्रोताहरुको माया पाईसकेको छ । दोङ स्टुडियोको प्रस्तुति रहेको सेलो गीतमा विश्व दोङकै संगीत र एरेन्जर रहेको छ भने दिपेश प्रधान ९दिप स्टुडियो० को मिक्सिङ रहेको गीतमा संगीता गोले र मिना थिङको स्पेसल धन्यवाद रहेको छ ।