काठमाडौं । आम जनता पार्टी (आजपा) ले बागमती प्रदेशस्तरीय भेला आगामी चैत ३ गते काठमाडौंमा गर्ने भएको छ।

पार्टीका बागमती प्रदेश इन्चार्जसमेत रहेका उपमहासचिव अरुण घिसिङको उपस्थितिमा मंगलबार सम्पन्न बैठकले सो निर्णय गरेको हो। प्रदेश अध्यक्ष रमेश थपलियाको अध्यक्षतामा बसेको बैठकले आर्थिक समिति, प्रचार प्रसार समिति गठनसहित जिल्ला कमिटीको इन्चार्ज र संयोजक तोक्ने निर्णयसमेत गरेको इन्चार्ज घिसिङले जानकारी दिए।

बैठकमा आजपा उपाध्यक्ष एवं संविधान सभा सदस्य तिलक थापा मगर,नेताहरु धर्मेन्द्र सापकोटा, योगेश रालफाली, लुम्बिनी प्रदेश अध्यक्ष नारायण पाण्डे, उधोग विभाग प्रमुख सागर पाण्डेय, जनजाति महासंघ अध्यक्ष पासाङ तामाङलगायतको उपस्थिति रहेको थियो ।