अबको लक्ष्य तामाङ तथा नेपाली कला संगीतमा– प्रमिला लामा

२०८० पुष २० गते, शुक्रबार

शंखरापुर नगरपालिका वडा नं ८,कोट डाँडा, काठमाडौमा वि.सं २०६२ बैशाख ५ गते बुबा अनिल तामाङ र आमा सोम लामाको कोखमा जन्मेकी हुन् मोडल प्रमिला लामा ।

आमाको प्रेरणाले कला क्षेत्रमा लागेकी बताउने प्रमिलाले आफू भन्दा अग्रज कलाकारहरुको सिर्जनाहरुले थप प्रेरणा मिलेको बताउँछिन् । अरु साथीभाइ आफन्तहरुले सुरु सुरुमा यो क्षेत्रमा नलाग्नु भन्ने गरेको तर आफ्नी आमाको साथ र अग्रजहरुको सिर्जनाले आफूलाई अघि बढ्ने हिम्मत र प्रेरणा मिलेको विचार व्यक्त गर्छिन् मोडल प्रमिला ।

कला, गीत, संगीत भनेको हाम्रो संस्कृति र अस्वित्व बचाउने माध्यम भएको भन्दै हाम्रो देश भित्रका कला संगीतले गर्दा नेपालको संस्कृति बचाएको बताउँछिन् प्रमिला ।

हिजो कस्तो संस्कार थियोे भन्ने कुरा हिजोका चलचित्र कला कौशल गीत संगीतहरुमा झल्किन्छ । त्यसको अध्ययनले पहिलाको संस्कृतिको अध्ययन पनि गर्ने माध्यम बनेको छ ।

प्रमिला आफ्नो सांगीतिक यात्रा तामाङ सेलो “तोर तोर ल्हाला“ गीतमा मुख्य भूमिकाको अभिनयबाट सुरु गरेकी हुन् । यो भन्दा पहिला धेरै कार्यक्रमहरुमा नाच्ने गर्थिन् उनी । तर अफिसियल रुपमा सेलो गीतमा मोडलिङबाट भएको हो ।
“कला संगीतलाई नै व्यवसायीक हिसाबले अगाडि बढिरहनु भएकोहरुले यसै क्षेत्रबाट राम्रो सहज तरिकाबाट जीवन गुजारा गरिरहनु भएको देखिन्छ । तर व्यावसायिक हिसाबले नलाग्नु भएको कलाकर्मी कलाकारहरुलाई भने यो क्षेत्रबाट जीवनयापनलाई अप्ठ्यारो नै देखिन्छ । कलाकारले सुरुमा आफ्नो कलालाई लगानी गर्छ, समय सापेक्ष रहन सक्यो भने सिर्जनाले राम्रो आम्दानी गर्न सकेको पनि देखिन्छ तर गीत चलचित्र लगायत सिर्जनाहरु दर्शकले मन पराएन भने पक्कै मुस्किल नै पर्छ ।“ बताउँछिन् प्रमिला ।

आफ्नो कला क्षेत्र केही वर्ष अघि देखि मात्र सुरुवात भएको बताउने मोडल प्रमिला यो क्षेत्रमा लागेदेखि लगभग दर्जनको हाराहारी गीतहरुमा अभिनय गर्ने अवसर मिलेको बताउँछिन् ।

विशेषगरी प्रमिला तामाङ समुदायको भएको हुनाले आफ्नै भाषाका गीतहरुमा अभिनय गर्न मन पराउँछिन् । तर केही नेपाली भाषाका गीतहरुमा पनि अभिनय गरेकी छिन् उनीले । प्रमिलाले अभिनष गरेको गीतहरु मध्ये “तोर तोर ल्हाला“ तामाङ सेलो, “जिन्दगीको सयौँ यात्रा“ नेपाली गित, “भुपु छामे“ तामाङ गीत , “कोन्ज्योसोमला“ तामाङ गीत, “युकेला“ ¥याप तामाङ पप गीत, “टिकटकमा“, “हिम्मत कहिल्यै नहारी“ , “सिलगढीबाट मालगाडी आयो“ लगायतका गीतहरु उनले सम्झिरहने सिर्जनाहरु हुन् ।

मोडल प्रमिलाले सांगीतिक यात्राको क्रममा “भुपु छामे“ गीतबाट उत्कृष्ट मोडलमा कालीदेवी फिल्म एण्ड म्युजिक अवार्ड जित्न सफल, “सिलगढीबाट मालगाडी आयो“ गीतबाट उद्धार खबर अन्तर्राष्ट्रिय म्युजिक अवार्ड टप छ मा छनौट भएको साथै अन्य धेरै कला सम्मानहरु जस्तै नेपाली सिरियल “जारी“बाट उत्कृष्ट कला सम्मान, “ह्याङला दोलखा“ तामाङ समाजबाट ल्होछार साँस्कृतिक सम्मान, “तामाङ समाज खजुली“बाट सम्मान , “उद्धार शान्ति केन्द्र“ बाट नृत्य कला सम्मान, “कर्म छोरीको“ टेलीसिरियलबाट नृत्य कलाकार सम्मान लगायतका धेरै ठाउँमा सम्मानित हुँन पाउँदा यस क्षेत्रमा अझ जिम्मेवारी थपिएको महसुस गरेकी छिन् प्रमिलाले ।
राज्यपक्षबाट कला संगीतलाई केही हदसम्म हेरिएको छ । तर यसले मात्र नेपाल भित्र रहेका सम्पूर्ण कला, गीत संगीतको जगेर्ना गर्न सकिँदैन । अझै हाम्रो कला, संस्कृति, चलचित्र, गीत संगीतलाई साँस्कृतिक हिसाबले बचाइराख्ने हो भने सरकारले कला तथा साँस्कृतिक क्षेत्रलाई अभिन्न अंगको रुपमा स्विकार गरेर विशेष परियोजना तर्जुमा गर्ने बताउँछिन् उनी । व्यापक तरिकाले कलाकारले लगानी गरेर चलचित्र, अडियो भिडियो निर्माण गर्छ त्यसको उचित बजार व्यवस्थापन नभएको कारण कलाकारहरु मारमा परेको उनको भनाई छ । “अनि अर्काे कुरा कलाकारले लगानी गरेको भएर बजार व्यवस्थापन र मुल्य हुनुपर्छ मात्र भन्न खोजेको हैन, नेपाली समाजमा रहन सक्ने खालका मापदण्ड पूरा गरेर निर्माण गरिएको सिर्जनाहरुको चै विशेष संरक्षण हुनुपर्छ । जस्तो चलचित्र विकास बोर्ड भए जस्तै छुट्टाछुट्टै कलाहरुको विकास बोर्ड रह्यो भने कमसेकम त्यो बोर्डले मापदण्ड तयार गर्छ । विकृति पनि आउँदैन ।“ प्रमिलाको भनाइ छ ।

अबको आफ्नो लक्ष्य तामाङ तथा नेपाली कला संगीतमा आफ्नो कर्मलाई निरन्तरता प्रदान गर्दै यसै क्षेत्रबाट भएपनि राज्यलाई साँस्कृतिक पक्षमा सहयोग गर्ने र यही पुस्ताले हो हाम्रो कला,संस्कृति, चलचित्र गीत संगीतबाट देशको साँस्कृतिक धरोहर बचाउने बताउदै यसर्थ यो हाम्रो जिम्मेवारी भएको बताउँछिन्  । यस क्षेत्रमा आउन चाहने र आउँदै गर्नु भएकोहरुलाई “यो क्षेत्रको राम्रोसँग अध्ययन गरेर आउनुस् , कहाँसम्म पुग्ने उदेश्य के हो ? सबै स्पष्ट भएर मात्र यो क्षेत्रमा प्रवेश गर्दा उचित रहला । नत्र नबुझि हात हाल्यो भने तातो आलु जस्तो मात्र पनि हुन्छ सक्छ ।“ बताउँछिन् उजी । अन्तमा ।आफ्नो कुराहरु राख्ने मौका दिएकोमा समय दृष्टि साप्ताहिक पत्रिका परिवार प्रति धेरै धेरै धन्यवाद छ ।

14 Views

ताजा

वैशाख १५ मा तोक्यो आयोगले उपनिर्वाचनको मिति

२०८० फाल्गुन १३ गते, आईतवार

वैशाख १५ मा तोक्यो आयोगले उपनिर्वाचनको मिति

२०८० फाल्गुन १३ गते, आईतवार

वीरगञ्ज अस्पतालमा शिशु छाडेर आमा बेपत्ता

२०८० फाल्गुन १३ गते, आईतवार

भट्टको नयाँ फिल्ममा एलिजा र खड्का अनुबन्धित

२०८० फाल्गुन १२ गते, शनिबार

विद्युत सर्ट हुँदा सशस्त्र प्रहरीको पोस्टमा आगलागी

२०८० फाल्गुन १२ गते, शनिबार

राप्रपाका प्रदेशसभा सांसद यादव निलम्बित

२०८० फाल्गुन १२ गते, शनिबार

आगामी आर्थिक वर्षमा मधेसलाई विशेष व्यवस्था गरिनेछः प्रधानमन्त्री

२०८० फाल्गुन १२ गते, शनिबार

रवि लामिछानेको कटाक्षः रक्सी–मासुमा भोट बेच्नेवाला होइन म, सचेत नागरिक हुँ भनेर कसम खान सक्नुहुन्छ ?

२०८० फाल्गुन १२ गते, शनिबार

स्वस्थानी व्रत आज विधिपूर्वक समापन, यस्तो छ महत्व

२०८० फाल्गुन १२ गते, शनिबार

नेशनल मेडिकल कलेजको प्रबन्ध निर्देशकमा अन्सारी नियुक्त

२०८० फाल्गुन १२ गते, शनिबार

स्वास्थ्य बीमा कार्यक्रम भ्रष्टाचारको माध्यम बन्यो: सभामुख घिमिरे

२०८० फाल्गुन १२ गते, शनिबार

लोकप्रिय

मेरो रहरले कलाकारिता क्षेत्रमा आएकी हुँ

२०८० मंसिर २९ गते, शुक्रबार

मनसुन लम्बियोः ‘धान नकाटौं, काटेको भए भित्र्याइहालौं’

२०८० आश्विन १५ गते, सोमबार

दलाल पूँजीपति वर्ग नै हाम्रो प्रमुख शत्रु हो

२०८० भाद्र २२ गते, शुक्रबार

शनिबार काठमाडौंका ५० भन्दा बढी ठाउँमा विद्युत् सेवा अवरुद्ध हुने

२०८० भाद्र १ गते, शुक्रबार

काठमाडौं महानगरपालिकाद्वारा खुल्ला दूध बेचबिखन, पानीपुरी, चटपटेमा रोक लगाउने तयारी

२०८० श्रावण २८ गते, आईतवार

राजकुमारको कृषि कथाः कर्म गर, सफलता पछिपछि आउँछ

२०८० असार २४ गते, आईतवार

१ लाख १ हजार १सय ११ रुपैया राशिको आदर्श पत्रकारिता पुरस्कार किशोर नेपाललाई

२०७९ चैत्र २४ गते, शुक्रबार

धनकुटा महोत्सवमा ३० जना घाइते

२०७९ माघ १५ गते, आईतवार

निर्मला कुर्मी प्रकरणः रुबी खानसहित केही अधिकारकर्मी पक्राउ

२०७९ माघ ९ गते, सोमबार

2020 Copyrights Reserved at dnfkhabar.com

Designed & Developed By Web House Nepal