काठमाडौं । लायन्स क्लब अन्तराष्ट्रिय डिस्ट्रिक ३२५ के नेपाल अन्तरगतको लायन्स क्लब अफ काठमाडौं नयाँबजारद्वारा चितवन कालीखोला घर भएका बर्ष ४८ की मंगला चेपाड गुरुडलाई कृतिम खुट्टा उपलब्ध गराएको छ ।

औंलामा सानो कालो डल्लो आएको र औला कुहिने समस्या भएको कारणले खुट्टानै काटेर फाल्नु परेकोले बिगत १ बर्षदेखी हिडडुल गर्न नसकेकोमा अहिले कृतिम खुट्टा राखेपछि सहज भएको पीडित महिला चेपाङ बताउँछिन् ।

डिस्ट्रिक ३२५ के नेपालका प्रथम भाइस गभर्नर निरा बज्राचार्यको प्रमुख आतिथ्यतामा सम्पन्न सो कार्यक्रममा क्याबिनेट सेक्रेटरी शैलेन्द्र दाहाल पीआर ओं इन चिफ विष्णुहरि फुयाल डिस्ट्रिक बिल्डिंग कमिटी चिफ हसन कुमार गोपाली जी एस टि कोअर्डिनेटर सन्तोष सराफ लगायतको उपस्थति रहेको थियो ।

जहां आबस्यकता त्यहा लायन्स भन्ने मुल नारा लाई आधार मान्दै आयको लायन्स विश्वको ठूलो अनि पुरानो सामाजिक संस्थाले सामाजिक कार्य गर्दै आएको र यसरी खुट्टा उपलब्ध गराएका क्लबका अध्यक्ष सुवर्ण कँडेल लगायत सम्पूर्ण क्लब परिवारलाई प्रमुख अतिथि बज्राचार्यले धन्यबादका साथ बिरामीको सिघ्र स्वास्थ्यलाभको शुभकामना गर्नुभयो ।