काठमाडौं । वरिष्ठ हास्य कलाकार हरिवंश आचार्यले नेपाली खेलाडीको सम्मानमा खेल गीत ‘हामी नेपाली, हाम्रो खेलाडी’ ल्याएका छन् । स्विडेनमा रहेका गीतकार डा. दिपराज थापाको शब्द रहेको गीतको भिडियोमा विभिन्न खेलमा लागेका नयाँ–पुराना खेलाडीका यथार्थ श्रव्य दृश्य समेटिएका छन् ।गायक आचार्यले नेपाल टी २० विश्वकपमा छनौट भएको र नेपालमा खेलप्रतिको इज्जत बढिरहेको माहौलमा यो गीत ल्याएको बताएका छन् । गायक आचार्यका अनुसार गीतकार थापाले खेलाडी सम्बन्धि खेल गीत लेख्नुभएको रहेछन् आफूलाई गाइदिनु भनेकोले पुराना खेलाडीलाई अहिलेको पुस्ताले बिर्सिसकेको अवस्थामा उनीहरूप्रति पनि सम्मान हुने हिसाबले गीत गायकको जनाए ।

गीतकार थापासँगै अस्ट्रेलिया निवासी सुशीला पौड्याल र गोपाल पौड्याल यो गीतका निर्माता हुन् भने विशाल निरौलाको संगीत र एरेन्ज रहेको यो गीतको भिडियो राष्ट्रिय खेलकुद परिषदमा समेत खिचिएको छ ।