काठमाडौं । इन्द्रजात्रा अवलोकनका लागि विशिष्ट व्यक्ति पैदलै हिँडेर वसन्तपुर पुगेका छन् । इन्द्रजात्रा अवलोकनका लागि वसन्तपुर जान महानगरले गाडी प्रवेशमा रोक लगाएपछि बिभिन्न विशिष्ट व्यक्ति पैदलै हिँडेर वसन्तपुर पुगेका हुन् ।

त्यसक्रममा राष्ट्रपति रामचन्द्र पौडेल, उपराष्ट्रपति रामसहाय यादव, प्रधानन्यायाधीश विश्वम्भर श्रेष्ठ, सभामुख देवराज घिमिरे, राष्ट्रियसभा अध्यक्ष गणेश तिमल्सिनासहित मन्त्रीहरू पैदल नै वसन्तपुर पुगेका हुन् ।

महानगरपालिकाले जुद्ध सालिकबाट वसन्तपुरमा गत असारदेखि सवारीसाधन प्रवेशमा रोक लगाएको छ । विश्व सम्पदा सूचीमा सूचीकृत स्थल भएको भन्दै महानगरले गाडी प्रवेशमा रोक लगाएको हो ।

राष्ट्रपतिलाई जुद्ध शालिकदेख कुमारी घरसम्म गाडीमै लैजाने तयारी गरिएको भएपनि मेयर बालेन शाहल असहमति जनाएपछि पैदलै हिँड ।

इन्द्रजात्राको मुख्य दिन बिहीबार राष्ट्रपतिबाट हनुमानढोकास्थित गद्दी बैठकमा जीवित देवीका रूपमा रहेका कुमारी, गणेश र भैरवको रथयात्रा हेर्ने प्रचलन छ ।