काठमाडौं । काठमाडौंबाट पोखरा जाँदै गरेको बस त्रिशुली नदीमा खसेको छ। पृथ्वी राजमार्गअन्तर्गत धादिङको गजुरी गाउँपालिका–२, चालिसे छहराबाट यात्रुबाहक बस त्रिशुली नदीमा खसेको हो।

बस बुधबार बिहान त्रिशुली नदीमा खसेको जिल्ला प्रहरी कार्यालय धादिङले जानकारी दिएको छ। काठमाडौंबाट पोखरातर्फ जाँदै गरेको प्रदेश ३–०१–००५ ख ९९५२ नम्बर बस अनियन्त्रित भइ सडकबाट त्रिशुली नदीमा खसेको हो।
लष्mद

दुर्घटनास्थलमा प्रहरी पुगेर उद्धार सुरु गरिएको छ। नदीमा खसेको बसबाट यात्रुहरु निकाल्न थालिएको प्रहरीले जनाएको छ। बसमा कति यात्रु सवार थिए भन्ने खुलेको छैन। दुर्घटनाबारे विस्तृत विवरण आउन बाँकी छ।