सुरेन्द्र बहादुर खत्री सिलवाल

काठमाडौं । सिन्धुपाल्चोकको मेलम्ची खोलामा दुई वर्ष अगाडि बाढीपहिरोले भत्काएको पुलको निर्माण भएको छ ।
बेलिब्रिज निर्माणको काम अन्तिम चरणमा पुगेको छ । नेपाली सेनाले बेलिब्रिज निर्माणको काम अन्तिम चरणमा पु¥याएको छ ।
शनिबार मेलम्ची नदीमा बेलिब्रिजको निर्माणका काम भइरहेका विषयमा स्वास्थ्य तथा जनसंख्यामन्त्री मोहनबहादुर बस्नेतले अनगमन गरेका छन् ।
नेपाली काँग्रेसका केन्द्रीय सदस्य रहेका बस्नेतले अबको दुई हप्ताभित्र बेलिब्रिज निर्माण सम्पन्न भएर आवात जावत हुने जानकारी नेपाली सेनाका प्राविधिकहरुले गराएको बताएका छन् । बेलिब्रिजबाट सवारी आवागमन सहज हुने वित्तिकै सर्वसाधारण लाभान्वित हुनेछन् ।
बेलिब्रिज निर्माणका लागि बस्नेतले ठूलो पहल गरेका थिए । मेलम्ची, हेलम्बु, पाँचपोखरी र चौताराका विभिन्न भूभाग जोड्ने मेलम्ची नदीको बेलिब्रिजको निर्माण कार्यका लागि बस्नेतले विशेष पहल लिँदै आएका छन् ।