काठमाडौ । दक्षिण भारतीय फिल्म ‘आदिपुरुष’ मा समावेश ‘जानकी भारतीय छोरी हुन्’ भन्ने संवाद अन्ततः हटाइएको छ । यो संवादलाई लिएर नेपालमा चौतर्फी आलोचना भएको थियो । नेपाली सेन्सर बोर्डले फिल्मलाई जाँचपासको प्रमाणपत्र दिनसमेत अस्वीकार गरेको थियो । उक्त संवाद बीप गरिएपछि प्रदर्शनको अनुमति दिइएको थियो ।

चलचित्रमा राखिएको सीता भारतमा जन्मेको प्रसङ्ग निर्माताले हटाएका हुन् । भारतीय अखबार टाइम्स अफ ईन्डियाका अनुसार सीता रामायण अनुसार नेपालमा जन्मेको भएको र बालेनको चेतावनी आएपछि हटेको उल्लेख छ ।

सीताको जन्म नेपालमा भएको तथ्य नेपालमा मात्रै नभएर समग्र फिल्ममा नराखिए काठमाडौंमा फिल्म चल्न नदिने मेयर बालेनले बिहिबार उद्घोष गरेका थिए ।