काठमाडौं । नक्कली शरणार्थी प्रकरणको अनुसन्धान फितलो भएको भन्दै राष्ट्रिय स्वतन्त्र पार्टीका सभापति रवि लामिछानेले सरकारलाई खबरदारी गरेका छन् । उनले अनुसन्धानको लहरोले तानेकाहरूलाई छोडे रास्वपा चुप लागेर नबस्ने चेतावनी समेत दिएका छन् ।

उनले शरणार्थी प्रकरणको अनुसन्धान हुँदै गर्दा शीर्ष नेताहरूको तीव्र भेटघाटप्रति पनि आपत्ति जनाएका छन् ।
प्रधानमन्त्री पुष्प कमल दाहाल प्रचण्डलाई भ्रष्टाचारको एउटै फाइलले ज्वरो निकालेको टिप्पणी पनि लामिछानले गरेका छन् ।
उनले सामाजिक सञ्चालमा लेखेको सन्देश जस्ताको तस्तैः
शिर्ष नेताहरुको तिब्र भेटघाट, फरार (गराइएका) अझै सम्पर्क विहिन, नाम आएकाहरु माथीको अनुसंधान फितलो ! खबरदार, अनुसंधानको लहरोले ठुला नेता र तिनका सन्तानको ूजगजाहेर तान्डवूलाई छोड्यो भने रास्वपा हेरेर मात्रै बस्दैन।यो आँधीलाई ख्याल सम्झने भुल नगर्नु होला। प्रधानमन्त्री ज्यु, एउटै फाइलले ज्वरो निकाल्यो त ? एउटा तोप पड्काउन यत्रो सकस ?