दोलखा । नेकपा एमाले गौरीशंकर गाउपालिका संगठन कमिटीले छाँया सरकार गठन गर्दै मिसन ग्रासरुट कार्यक्रम समापन गरिएको छ । गत चैत ११ गतेदेखि सुरुभएको वडास्तरिय प्रशिक्षणात्मक कार्यक्रममा पालिका तथा वडागत तहमा छाँया सरकार गठन गर्दै मिसन ग्रासरुट कार्यक्रम समापन गरिएको हो ।

गत फागुन २७ गते बसेको पालिका कमिटीको बैठकले निर्णय गरिए बमोजिम १ देखि ९ नंम्वर वडासम्म संगठन विस्तार र प्रशिक्षणात्ममुक कार्यक्रम गरेको हो । कार्यक्रमबाट संगठन सुढृद्धीकरण, वडागत रिर्पोटिङ, संगठित सदस्य नविकरण र संगठनलाई पुर्नगठन समेत गरिएको छ ।

ग्रासरुट अभियानमा पालिकन कमिटीका अध्यक्ष जङ्ग गुरुङ , केन्द्रिय सदस्य गोविन्दप्रसाद दुलाल वागमती प्रदेश कमिटीका सदस्य गणेशबहादुर कार्की र उर्मिला थामी रहनुभएको थियो । त्यस्तै अभियान टोलीमा पालिका इन्चार्ज सोयमबहादुर खड्का, सहइन्चार्ज जेबी गुरुङ, जिल्ला कमिटी सदस्य तथा नेकोस सचिब तिर्थबहादुर खड्का, नेकोसका केन्द्रीय सदस्य उर्वसी श्रेष्ठ पनि अभियानमा रहनुभएको थियो ।

वडनका कार्यक्रमहरुमा केन्द्री प्रतिनिधि गोविन्दप्रसाद दुलालले दक्षिणपन्थी अवसरवाद र सङ्गठनात्मक अराजकता विरुद्धको वैचारिक सङ्घर्ष , विभिन्न राजनीतिक दलहरू र नेकपा एमाले पार्टीका राजनीतिक वैचारिक भिन्नता , पार्टी निर्माण सम्बन्धी मार्क्सवादी दृष्टिकोण , पार्टी सदस्यहरुका अधिकार , कर्तव्य र कार्यशैली का साथै समसामयिक राजनीतिक परिस्थिति र पार्टी दृष्टिकोण बारे प्रशिक्षित गर्नु भएको थियो ।