काठमाडौ । नेपाललाई निरन्तर सहयोग गर्दै आएको दक्षिणी छिमेकी मुलुक भारतले यसपटक नेपाललाई दिँदै आएको सहयोगमा २ अर्ब कटौती गरेको छ । वित्तमन्त्री निर्मला शितारमणले बुधबार सार्वजनिक गरेको आर्थिक वर्ष २०२३÷२४ को लागि सार्वजनिक गरेको बजेटमा नेपालले पाउँदै आएको रकममा २ अर्ब कटौती गरेको जनाएकी हुन् ।

बजेतमा उल्लेख गरिएअनुसार यसपटक नेपालले साढे ५ अर्ब रूपैयाँ भारुमात्र सहायता पाउने भएको छ । यसअघि भारतले ७ अर्बभन्दा बढी भारु नेपाललाई सहयोग गरेको थियो । यस्तै बजेटमा अटोमोबाइल, स्मार्टफोनलगायतका सामाग्रीहरूमा भन्सार महसुल कम गर्ने घोषणा गरिएको छ । भारतमा खेलौना, साइकल तथा अटोमोबाइल तुलनात्मकरूमा सस्तो हुन्छ । यस्तै टेलिभिजन प्यानलको आयात शुल्क २.५ प्रतिशतले घटेको छ । ब्याट्रीको आयात शुल्क घटाइएको छ भने सुन, चाँदी र प्लाटिनमको शुल्क बढाइएको छ ।

तर, भारतले आफ्ना नागरिकलाई राहत हुने गरी आयकरको सीमा घटाएको छ। यसअघि ५ लाखसम्मको आयमा कुनै पनि कर नलाग्ने अवस्थामा अहिले भने वार्षिक ७ लाख कमाउनेसम्मले कुनै कर तिर्नुनपर्ने भएको छ । आम्दानीअनुसार ५ प्रतिशतदेखि ३० प्रतिशतसम्मको आयाकरको स्ल्याब रहेको छ । विद्युतीय सवारी साधनमा छुट दिइएको छ ।