काठमाडौं । नयाँ सरकार गठनका लागि सत्ता गठबन्धनमा आबद्ध दलका शीर्ष नेताहरू छलफलमा व्यस्त रहेका छन् ।

बैठकमा सहभागी हुन एकीकृत समाजवादीका अध्यक्ष माधवकुमार नेपाल बालुवाटार पुगेका छन् । माओवादी केन्द्रका अध्यक्ष पुष्पकमल दाहाल ‘प्रचण्ड’ पनि केही बेरअघि बालुवाटार पुगेका थिए । प्रधानमन्त्री समेत रहेका कांग्रेस सभापति शेरबहादुर देउवा र प्रचण्डबीच ‘गोप्य’ छलफल भएको छ । सो छलफल नसकिँदै नेता नेपाल बालुवाटार पुगेका हुन् ।

नयाँ सरकार निर्माणका लागि दाबी पेस गर्न राष्ट्रपति विद्यादेवी भण्डारीले दिएको समयसीमा आजै बेलुका ५ बजे सकिँदै छ । त्यसअघि नै दलहरू सहमतिमा पुग्नुपर्ने बाध्यता छ ।