संसदीय दलको नेतामा पुरानै अनुहार

२०७९ पुष ७ गते, बिहीबार

काठमाडौं । नेकपा माओवादी केन्द्रले पार्टी संसदीय दलको नेता आज चयन गर्ने भएको छ । नव निर्वाचित प्रतिनिधिसभा सदस्यहरुले शपथ ग्रहण गर्ने दिन आज माओवादी केन्द्रले पार्टी संसदीय दलको नेता चयन गर्न लागेको हो । संसदीय दलको नेतामा पार्टी अध्यक्ष पुष्पकमल दाहाल प्रचण्ड दोहोरिने निश्चित रहेको माओवादी केन्द्रका नेताहरुले बताउँदै आएका छन् ।

संसदीय दलको नेता चयनसँगै औपचारिक रुपमा सरकार गठनको पहल शुरु हुने यसअघि नै अध्यक्ष प्रचण्डले बताइसकेका छन् । नेकपा माओवादी केन्द्रबाहेक प्रतिनिधिसभामा प्रतिनिधित्व गर्ने अन्य प्रमुख दलहरुले भने संसदीय दलको नेता चयन गरिसकेको अवस्था छ । मंसिर ४ गते सम्पन्न निर्वाचनबाट प्रतिनिधिसभामा सबैभन्दा ठूलो दल बनेको नेपाली काँग्रेसले बुधबार आफ्नो संसदीय दलको नेता चयन गरेको थियो । नेपाली काँग्रेस संसदीय दलको नेतामा वर्तमान प्रधानमन्त्री समेत रहेका काँग्रेस सभापति शेरबहादुर देउवा चयन भएका छन् । बुधबार सम्पन्न निर्वाचनमा महामन्त्री गगन थापालाई ३९ मतले पराजित गर्दै देउवा काँग्रेस संसदीय दलको नेता चयन भएका हुन् । देउवाले ६४ मत ल्याउँदा महामन्त्री थापाले २५ मत प्राप्त गरेका थिए । काँग्रेसका प्रतिनिधिसभामा ८९ सांसद छन् ।

उता, ७८ जना सांसद रहेको प्रतिनिधिसभाको दोश्रो ठूलो दल नेकपा एमालेले पार्टी अध्यक्ष केपी शर्मा ओलीलाई नै सर्वसम्मत रुपमा संसदीय दलको नेता चयन गरेको छ । उपाध्यक्ष विष्णुप्रसाद पौडेलको प्रस्ताव र अर्का उपाध्यक्ष सुवास नेम्वाङको समर्थनमा ओली मंगलबार संसदीय दलको नेता सर्वसम्मत रुपमा चयन भएका थिए । दलको उपनेता, प्रमुख सचेतक र सचेतक भने एमालेले अर्को बैठकबाट चयन गर्ने बताइएको छ ।

त्यस्तै राष्ट्रिय प्रजातन्त्र पार्टीले पनि संसदीय दलको नेता चयन गरेको छ। पार्टी अध्यक्ष राजेन्द्र लिङ्देना निर्विरोध दलको नेतामा चयन भएको दीपकबहादुर सिंहले बताए। बैठकले मुलुकको राजनीतिक अवस्थालाई मध्यनजर गर्दै आवश्यक निर्णय लिने अधिकार पनि पार्टी अध्यक्षलाई दिएको सिंहले बताए ।
यसअघि नेकपा एकीकृत समाजवादीले माधव कुमार नेपाललाई, राष्ट्रय स्वतन्त्र पार्टीले रवि लामिछानेलाई र जनमत पार्टीले सीके राउतलाई दलको नेतामा चयन गरेका थिए । त्यस्तै स्वतन्त्रसहित चार सिट रहेको नागरिक उन्मुक्ति पार्टीको संसदीय दलको नेतामा बुधबार रेशम चौधरीकी पत्नीसमेत रहेकी रञ्जिता श्रेष्ठ चौधरी र लोकतान्त्रिक समाजवादी पार्टी संसदीय दलको नेतामा महन्थ ठाकुर चयन भएका छन् ।

50 Views

ताजा

अब नेपालीले भारतमा सीम कार्ड पाउने

२०८० फाल्गुन ८ गते, मंगलवार

अब नेपालीले भारतमा सीम कार्ड पाउने

२०८० फाल्गुन ८ गते, मंगलवार

सनातन हिन्दु हिन्दु राष्ट्रको अभियानलाई शशांकको पनि समर्थन

२०८० फाल्गुन ८ गते, मंगलवार

सिद्ध गुफामा डा। उपाध्यायको पुस्तक लोकार्पणसँगै एल्वम विमोचन

२०८० फाल्गुन ८ गते, मंगलवार

‘लघुवित्तको विकल्प छैन, बचाउन सबै लाग्नुपर्छ’ सांसद भगबती चौधरी

२०८० फाल्गुन ८ गते, मंगलवार

दोलखा केन्द्रबिन्दु भएर भूकम्प

२०८० फाल्गुन ८ गते, मंगलवार

साहित्यकार केशु विरहीको तेह्रथुमको साहित्यिक इतिहास नामक कृतिको लोकार्पण

२०८० फाल्गुन ७ गते, सोमबार

बालबालिका र किशोरकिशोरीका हरेक समस्याको समाधान बिना ‘अर्को विश्व’ सम्भव छैन

२०८० फाल्गुन ७ गते, सोमबार

विद्यार्थीहरूलाई यौन तथा प्रजनन स्वास्थ्य स्वास्थ्य सिकाउँदै सुरुवात

२०८० फाल्गुन ७ गते, सोमबार

शिवरात्रीको समयमा एक सातासम्म पशुपतिमा विश्वशान्ति महायज्ञ चल्दै

२०८० फाल्गुन ७ गते, सोमबार

आजदेखि कांग्रेस महासमिति बैठक

२०८० फाल्गुन ७ गते, सोमबार

लोकप्रिय

मेरो रहरले कलाकारिता क्षेत्रमा आएकी हुँ

२०८० मंसिर २९ गते, शुक्रबार

मनसुन लम्बियोः ‘धान नकाटौं, काटेको भए भित्र्याइहालौं’

२०८० आश्विन १५ गते, सोमबार

दलाल पूँजीपति वर्ग नै हाम्रो प्रमुख शत्रु हो

२०८० भाद्र २२ गते, शुक्रबार

शनिबार काठमाडौंका ५० भन्दा बढी ठाउँमा विद्युत् सेवा अवरुद्ध हुने

२०८० भाद्र १ गते, शुक्रबार

काठमाडौं महानगरपालिकाद्वारा खुल्ला दूध बेचबिखन, पानीपुरी, चटपटेमा रोक लगाउने तयारी

२०८० श्रावण २८ गते, आईतवार

राजकुमारको कृषि कथाः कर्म गर, सफलता पछिपछि आउँछ

२०८० असार २४ गते, आईतवार

१ लाख १ हजार १सय ११ रुपैया राशिको आदर्श पत्रकारिता पुरस्कार किशोर नेपाललाई

२०७९ चैत्र २४ गते, शुक्रबार

धनकुटा महोत्सवमा ३० जना घाइते

२०७९ माघ १५ गते, आईतवार

निर्मला कुर्मी प्रकरणः रुबी खानसहित केही अधिकारकर्मी पक्राउ

२०७९ माघ ९ गते, सोमबार

2020 Copyrights Reserved at dnfkhabar.com

Designed & Developed By Web House Nepal