काठमाडौं। ३६ वर्षपछि विश्वकपको उपाधि जितेको अर्जेन्टिनाको फुटबल टिम आज बिहान स्वदेश फिर्ता भएको छ। अर्जेन्टिनाको राजधानी ब्युनर्स आयर्समा कप्तान लियोनल मेस्सीले विश्वकपको ट्रफी बोकेर घरेलु भूमिमा पाइला टेकेका थिए।

लामो समयपछि देशले जितेको विश्वकपको उपाधि हेर्न र टिमलाई स्वागत गर्न एजेजा अन्तर्राष्ट्रिय विमानस्थलमा हजारौं समर्थकको घुइँचो लागेको थियो।

आइतबार कतारको लुसेल स्टेडियममा भएको फाइनलमा साबिक विजेता फ्रान्सलाई पेनाल्टी शुटआउटमा ४(२ ले हराउँदै अर्जेन्टिनाले उपाधि उचालेको थियो।

अर्जेन्टिनाले विश्वकप जितेको यो तेस्रो पटक हो भने स्टार खेलडी मेस्सीको यो पहिलो विश्वकप उपाधि हो।