चितवन = भरतपुर महानगरपालिकाको ठिमुरा र तनहुँको देवघाट जोड्ने पक्की पुल निर्माण सुरु भएको आठ वर्ष भयो । निर्माण सम्पन्न भएर गाडी गुडिसक्नुपर्ने बेलामा पुलको ६०, प्रतिशतमात्र काम सम्पन्न भएको छ । 

पुल निर्माण अल पत्र अवस्थामा छ ।  बन्दै गरेको पुल निर्माण कम्पनीले विभिन्न बहाना बनाउँदै अधुरो छाडेको छ । निर्माणका क्रममा पुल दुई पटक भत्कियो । त्यस क्रममा मजदुरको मृ,त्यु र केही घाइते समेत भएका थिए । पुल निर्माणका लागि ठिमुरा र देवघाटका स्थानीय वासीले सम्बन्धित निकायमा पटकपटक द बाब दिए तर सुनुवाइ भएन । 

पुल निर्माण समितिका अध्यक्ष टङ्कनाथ पौडेलले प्रारम्भिक चरणमा अख्तियारमा मुद्दा परेर रोकिएको पुल निर्माण पर्याप्त बजेट विनियोजन नहुँदा र दुई पटक भ त्किएका कारण ढिला भएको बताउनु भयो । उहाँले सडक डिभिजन कार्यालयको लापर्बाहीका कारण पुल निर्माणका क्रममा प्राविधिकको निगरानी नहुँदा समस्या भएको गुनासो गर्नु भयो ।

निर्माण समितिका तर्फबाट पटकपटक दबा ब दियौँ ।उहाँले भन्नु भयो प्रशासन कार्यालय र सम्बन्धित मन्त्रालयलाई पनि ज्ञापन पत्र बुझायौँ तर पुल निर्माणले गति लिन सकेन । उहाँले चितवन र तनहुँका जिल्ला समन्वय समिति प्रमुखहरूको संयोजकत्वमा समिति निर्माणसमेत भएको भन्दै त्यसले पनि निकास दिन नसकेको बताउनु भयो । पौडेलले कात्तिक देखि धमाधम काम नगरे उपभोक्ता समिति सङ्घर्षमा आउने उहाँले चेतावनी दिनु भयो । 

देवघाट क्षेत्र विकास समितिका अध्यक्ष बद्रीप्रसाद अधिकारीले पुल निर्माणमा गम्भीर लापर्बाही गरिएको बताउनु भयो । उहाँले पाँच वर्ष अघि नै निर्माण सम्पन्न भइसक्नु पर्ने पुल अलपत्र पारेर छाडिएको बताउनु भयो ।

देवघाट:५ तनहुँका मानबहादुर गुरुङले अब त पुल निर्माण हुन्छ भन्नेमा नै शङ्का लाग्न थालेको बताउनुभयो । यतिका वर्षसम्म पनि एउटा पुल निर्माण हुन नसक्नुमा यहाँका जनप्रतिनिधि र सरकारी कर्मचारीको उदासिनता भएको उहाँले बताउनु भयो । पुल निर्माण नहुँदा भरतपुर र देवघाट आवत जावत गर्न दासढुङ्गा पुग्नुपर्ने बाध्यता रहेको गुरुङको भनाइ छ  ।

चितवन र तनहुँमात्रै नभएर बाग्मती र गण्डकी प्रदेशलाई समेत जोड्ने पुल ८ दशमलव ५ मिटर फराकिलो र दुई सय २०, मिटर लामो छ । डिजाइनअनुसार पुलका चार वटा स्पान रहने र त्यसमा कङ्क्रिटका ४०,४० मिटरका तीन वटा र स्टिलको एउटा ८०, मिटरको स्पान हुने उल्लेख छ । चितवन ठिमुरातर्फ दुई वटा र देवघाटतर्फ एउटा कङ्क्रिटको स्पान रहनेछ ।

त्रिशूली नदी माथि पुल बनाउन २०७१ कात्तिक २० गते तीन वटा निर्माण कम्पनीसँग सम्झौता भएको थियो । निर्माणको ठेक्का इलाइट एडभेन्चर र इन्द्रेणी जेभीले संयुक्तरूपमा लिएका हुन् । सम्झौताअनुसार तीन वर्षभित्र २०७४ कात्तिक १९ मा पुल बन्नु पर्थ्यो ।तर पटकपटक म्याद थपेर पछिल्लो समय काम सक्नुपर्ने समयसीमा २०७९ को चैत मसान्तसम्म तोकिएको छ । यो बीचमा ४,५ पटक म्याद थप गरि सकिएको छ ।

सडक कार्यालय भरतपुरका इन्जिनियर सागर कार्कीले सबै कुराको अनु कूल भए यस वर्ष पुल निर्माणको काम सकिने बताउनु भयो । उहाँले निर्माण कम्पनी पनि काम गर्न तयार रहेको भन्दै नदीमा पानी नघटेकाले काम सुरु गर्न नसकिएको बताउनु भयो ।

भूकम्प, नाकाबन्दी र कोरोनाका कारण पुल निर्माणमा असर पर्‍यो ।उहाँले भन्नु भयो । यो बीचमा २ पटक भ,त्किएर तत्काल काम गर्न सक्ने अवस्था भएन । सम्झौता हुँदा पुलको निर्माण लागत १९, करोड १०, लाख रहेकोमा अहिले बढेर २१ ,करोड ६८, लाख रुपैयाँ पुगेको सडक कार्यालय भरतपुरले जानकारी दिएको छ । ”