चर्चित मोडल हुन् रंजिता गुरूङ । खास गरेर लोकगीतमा उनको माग एकसमय निकै उच्च थियो ।

त्यो समय लोक दोहोरी गीतको त उनी क्वीन नै हुन् भन्दा फरक पर्दैन् । उनी १७ बर्षदेखि नेपाली म्युजिक भिडियोमा एकछत्र राज गरिन् ।

तर गतबर्ष उनै लोकप्रिय मोडल रञ्जिता गुरुङ स्थायी बसोबासका लागि अमेरिका उडिन् ।

उनी श्रीमान्, छोरी र छोरासहित अमेरिका उडेकी हुन् । एकसमय लोकदोहोरीमा विशेषगरी प्रेम विरही गीतका भिडियोमा उनी सर्वाधिक खोजिने मोडलमा पर्थिन् ।

‘क्षितिजपारि उनको बस्तीमा, फूलमा माहुरी डुल्ने बेलामा घामले नि पोल्दियो त्यो मन रुन्न होला र ?

‘प्रीतिको फूल’ जस्ता उनको अभिनय रहेका दर्जनाै गीतको भिडियोलाई दर्शकले रुचाएका थिए । विशेषगरी गायिका विष्णु माझीको स्वर रहेका गीतको भिडियोमा उनको अभिनय हुन्थ्यो ।

डेढ दशकभन्दा लामो समयदेखि मोडलिङमा सक्रिय रञ्जिताका पछिल्लो समय पनि एकपछि अर्को म्युजिक भिडियो सार्वजनिक भइरहेका थिए । पछिल्लो समय ‘बन्दीपुरैमा’ उनको अभिनय रहेको पछिल्लो चर्चित गीत हो ।

बिदाइको क्रममा रञ्जिताले आफू सन्तानको भविष्यका लागि पनि अमेरिका जान लागेको बताएकी थिइन् ।

दर्शकले आफूलाई दिएको मायाको लागि धन्यवाद दिँदै आगामी दिनमा पनि काम गर्ने कोशिश रहने बताएकी थिइन् ।

पछिल्लो समय रंजिता परिवारसँग अमेरिकामा रमाइरहेका तस्बिर साझा गरेकी छन् ।