फेरीपनि छोरी नै पाउँछेस् भन्दै घर छोडेर सम्पर्क बिहीन भएका श्रीमानको पर्खाईमा छिन् २१ दिने एक सु त्केरी श्रीमती । कामाण्डौको शेषमतिमा ३ छोरीसंगै एक्लै बस्छिन् ती २१ दिने सुत्केरी महिला । उनले जन्माएको कान्छि छोरी जन्मन नपाउँदै श्रीमानले छोरी नै जन्मिन्छ भनेर आफुसंगै अरु २ छोरीहरुलाई समेत छाडेर श्रीमान कता छन् ती सुत्केरीलाई थाहा छैन ।

सिन्धुुलीबाट काम खोज्दै काठमाण्डौ आएकी उनी अहिले श्रीमान नै साथमा नहुँदा उनलाई हुर्किंदै गरेका २ छोरीसंगै भर्खरै जन्मिएको कान्छि छोरीलाई के खुवाउने के लगाउने भन्ने ठूलो चिन्ता छ । अर्काको घरमा घर सफा गर्ने देखि लिएर लुगा धुने र भाँडा माझने काम गरेकी ती सुत्केरीले अहिले यो अवस्थामा त्यो काम पनि गर्ने सक्ने बताउँछिन् । लोग्ने भएको भए काम गरेको पैसाले खाने कुरा त किन्ने पाईन्थ्यो । अब त त्यो पनि छैन । निरास हुँदै उनले भनिन् ।

तीन सन्तानकी आमा उनी आफु सुत्केरी भईरहेको समयमा श्रीमानले यसरी अल पत्रै पार्लान् उनले कहिल्यै पनि सोंचेकी थिईनन् । उनी भन्छिन् जाँड, रक्सि खाएर मातेर तैंले छोरी मात्रै जन्माउने भईस् त भनेर सधैं गाली त गर्नु हुन्थ्यो । तर यसरी घर नै छाडेर यस्तो अवस्थामा मलाई र यी छोरीहरुलाई अल पत्रै पार्नु होला यो मैले कहिल्यै सोंचिन । कान्छि छोरी जन्मनुको तीन चार महिना अघि मात्रै उनका श्रीमानले फेरी पनि छोरी नै पाउँछेस् भन्दै घर छोडेको कुरा उनी सुनाउँ छिन् ।