राष्ट्रिय प्रजातन्त्र पार्टीका अध्यक्ष राजेन्द्र लिङ्देनले नेपालको प्रधानमन्त्री विदेशीहरूको योजनामा बनाइने गरेको आ,रोप लगाउनुभएको छ । 

शुक्रवार विश्व ॐ कार एकता महाअभियानको आयोजनामा काठमाण्डौमा भएको कार्यक्रमलाई सम्बोधन गर्दै अध्यक्ष लिङ्देनले नेपालको प्रधानमन्त्री विदेशीहरूको चासो र योजनामा बनाइने गरेको बताउनुभएको हो ।

उहाँले नेपालको विषयमा निर्णय गर्ने कुरा विदेशीहरूको हातमा रहेको बताउनु भयो । उहाँले मन्त्रीहरू को बनाउने र आउँदाे चुनावमा कुन पार्टीलाई जिताउने भन्ने कुरामा पनि विदेशीहरूको चासोको विषय हुने गरेको जिकिर गर्नुभयो । 

उहाँले भन्नुभयो, नेपालको निर्णायकत्व हाम्रो हातबाट फुस्किएर गएको छ । आज नेपालको प्रधानमन्त्री को हुनुपर्छ, मन्त्री को हुनुपर्छ, आउने चुनावमा कुन पार्टीले जित्नुपर्छ भन्नेमा विदेशीहरूको चासो र योजनाको विषय बन्न थालेको छ ।’

अध्यक्ष लिङ्देनले हिन्दु राष्ट्र समाप्त पार्नेहरूको अभिष्ट अझै पनि पूरा भइ नसकेको टिप्पणी गर्नुभयो ।