कुनै समय सबैको लोकप्रिय बनेको थियो सामाजिक संजाल फेसबुक, लामो समयको अन्तरालपछि पछिल्लो समय एकदमै थोरै समयमा सबैको प्यारो बनेको छ टिकटक । बच्चादेखी बूढो सबै उमेरकाले चलाउने यो टिकटक अहिलेको पुस्ताको त ढुकढुकि नै बनेको छ ।

हुन त टिकटकका सकारात्मक र नकारात्मक पक्ष बराबर नै छन । समयसमयमा यसै टिकटकमा मान्छेहरु भाईरल हुने क्रम पछिल्लो समय बढ्दो छ । यसैक्रममा आजको बिषय भने टिकटकमा इन्डियन आर्मीको पोसाकमा डान्स गरेर पछिल्लो समय भाईरल बन्न सफल बिनोद सापकोटा र उनका भाईहरुसँगको कुराकानीको रहेको छ ।

प्युठान जिल्लाको पिजुवार घर भएर हाल इन्डियन आर्मिको रुपमा कार्यरत उनि पछिल्लो समय टिकटक स्टार नै बनेका छन । उनले आर्मीको पोशाक लगाएर नाँचेको सबैले मन पराईदिएका छन । उनिसँगै टिकटकमा आर्मीकै पोसाक लगाएर नाच्ने उनका साथीहरु जसमध्ये एउटा उनको भाइ पनि रहेको छ, उनिसँगै आएका छन, उनिहरु टिकटकमा एकसाथ नाचेको हेर्दा बेग्लै मनोरन्जन मिल्ने गर्दछ ।

आफ्नो जागिर समेत धरापमा राखेर टिकटकमा रमाउने उनले युजरनेम भने ‘अन्जान मान्छे’ राखेका छन । लाहुरे हुनुभन्दा अगाडि आफुलाई चिन्ने कमै थिए तर लाहुरे भएपछि जयपुर र दिल्लीदेखी पनि बिहेको लागि रिश्ता आउने गरेको उनी बताउँछन ।