मोरङ÷ ¥याप गायकका रुपमा परिचित बालेन्द्र साह (वालेन) को काठमाडौं महानगरपालिकाको प्रमुखमा विजयसँगै अन्य कलाकारहरुले पनि आफूलाई उम्मेदवार बनाउने होडबाजी गर्न थालेका छन् । वालेनले स्वतन्त्रको रुपमा निर्वाचन जितेको अवस्थामा विभिन्न व्यक्तिहरुले स्वतन्त्र रुपमा उम्मेदवारी दिने तयारी गरिरहेका कुरा सार्वजनिक भैरहेको छ । यसक्रममा कलाकार रेखा थापाले आगामी संघीय निर्वाचनमा प्रतिनिधिसभाको सदस्यका लागि प्रत्यक्षतर्फ उम्मेदवारी दिने तयारी थालेकी छिन् । उनले स्वतन्त्र रुपमा नभई राष्ट्रिय प्रजातन्त्र पार्टीको तर्फबाट उम्मेदवारी दिने तयारी गरेको समाचार स्रोतले जानकारी दिएको छ ।

राप्रपाकी केन्द्रीय सदस्य समेत रहेकी थापाले मोरङ क्षेत्र नं.३ बाट उम्मेदवारी दिने भएकी हुन् । राप्रपाका प्रवक्ता तथा प्रचार विभाग प्रमुख मोहन श्रेष्ठले उनको उम्मेदवारी करिब करिब निश्चित रहेको जानकारी दिएका छन् ।
आगामी मंसिर ४ गते हुने भनिएको प्रतिनिसिसभा सदस्यको निर्वाचनमा उनले उम्मेदवारी दिएका खण्डमा त्यसले निर्वाचनमा के कस्तो असर पार्ला भनी यहाँका जनतामा चर्चा चल्न थालेको छ । त्यसो त सत्तारुढ दलहरुको गठबन्धनका तर्फबाट नेपाली कांग्रेसका डा. सुनिल शर्माले उक्त क्षेत्रमा उम्मेदवारी दिने चर्चा चलेको छ । यसअघि नेकपा (एमाले) र माओवादी केन्द्रका बीचमा गठबन्धन हुँदा शर्मा २०७४ सालमा एमालेका भानुभक्त ढकालसँग पराजित भएका थिए । झिनो मतले पराजित भएका शर्माले आफूलाई क्षेत्रको सामाजिक काममा समेत लगाई निर्वाचनको तयारी गरिरहेको अवस्थामा गत स्थानीय तहको निर्वाचन परिणामले सो क्षेत्रमा गठबन्धनका उम्मेदवारलाई जित निकाल्न सहज हुने प्रक्षेपण गरिएको छ । यस्तो अवस्थामा कलाकार रेखा थापाको उम्मेदवारी परेको अवस्थामा त्यसले कस्तो असर पार्ला भनी मतदाताहरुका बीचमा चर्चा चल्न थालेको हो ।
शान्ति विद्यागृहको हीरक वार्षिकोत्सव
काठमाडौं÷ देशकै पुरानोमध्येको एक शिक्षण संस्था शान्ति विद्यागृहले भोलिसम्म ७५औं वार्षिकोत्सव मनाउने भएको छ । विद्यालयले बुधबारदेखि शुरु गरेको विभिन्न कार्यक्रमहरुलाई भोलि शनिबार समापन गर्ने भएको हो । विद्यालय व्यवस्थापन समितिका अध्यक्ष वर्षाराम भण्डारीका अनुसार यो विद्यागृह विक्रम संवत् २००४ बैशाख १९ गते स्थापना भएको थियो ।
विद्यालयको हीरक महोत्सवगत बैशाख १९ गते मनाउने तयारी गरिए पनि कोरोना महामारीका कारण स्थगित गर्नुपरेको बताइएको छ । शनिबार स्मारिका र शान्ति कविता विमोचन, संस्थापकहरु, पूर्वप्रधानअध्यापकहरु, संस्थापक शिक्षकहरु, पूर्वविद्यालय व्यवस्थापन समितिका अध्यक्षहरु, कवि, एवं अन्य व्यक्तित्वलाई अभिनन्दन र सम्मान गर्ने कार्यक्रम छ ।
विद्यागृहका संस्थापक शिक्षक ९५ वर्षीय शंकरलाल मानन्धरलाई सम्मान गर्ने कार्यक्रम रहेको बताइएको छ । शुरुमा लैनचौर, ठमेल, गल्कोपाखा, पकनाजोल क्षेत्रका करिब तीन सय छात्रछात्रामध्ये छात्रहरूलाई शान्ति विद्यागृह प्राथमिक विद्यालयपट्टि र छात्रालाई शान्ति विद्यागृह कन्या प्राथमिक विद्यालयपट्टि राखेर पढाइने गरिएको बताइएको छ । २०५२ सालदेखि यो विद्यालय सह शिक्षालयमा परिणत भयोर । अहिले विद्यालयमा पूर्वप्राथमिक‘ ईसीडी’ देखि १२ कक्षासम्म पढाइ हुन्छर । यस विद्यालयमा अहिले छ सय दुई छात्र र पाँच सय १८ छात्रा अध्ययन गरिहेका छन् ।
राणा प्रधानमन्त्री पद्मशमशेर राणाका पालामा २००४ सालमा स्थापित यो विद्यालय राणाकालमा खुलेका विद्यालयमध्येको एक पनि होर । विद्यालयले २००९ सालदेखि प्रवेशिका परीक्षामा विद्यार्थीहरू सहभागी गराउँदै आएको छ । २०३० सालसम्म सामुदायिक रूपमा चलेको यो विद्यालय त्यसपछिको १६ वर्ष सामुदायिक तथा सरकारी अवधारणामा सञ्चालन गरियो । २०४६ सालयता भने विद्यालय पूरै सरकारी अवधारणा अनुसार चल्दै आएको छ ।