जनकपुर । राष्ट्रिय स्वत्रन्त्र पार्टी रास्वपाका सभापति रवि लामिछानेले २००७ सालदेखी निरन्तर मधेशलाई टेकेर राज्यको माथिल्ला निकायसम्म नेताहरु पुग्दा पनि जनता राज्यको सुबिधाबाट बञ्चित रहेको बताउनुभयो । शनिबार जनकपुरमा आयोजित मधेश प्रदेश भेलालाई सम्बोधन गर्दै उहाँले भन्नुभयो “मधेशलाई टेकेर दुई दर्जन बढि नेताहरुले सांसददेखी प्रधानमन्त्रीसम्मको प्रतिनिधित्व गरिसकेका छन्, हिजो सञ्चारकर्मीका रुपमा यहाँका मुद्धाहरुमा रिपोटिङ गर्दै गर्दा मधेशमा जहाँ कमिसन आउँछ, विकास गरेजस्तो गरेर भष्ट्राचार गर्न मिल्छ त्यहाँ राज्यकोषको सम्पत्ति दोहन गरेको प्रमाणहरु भेटिए त्यसैले होला देख्दामा धेरै दुर्गम भन्न नमिल्ने मधेशले विकासको काचुली फेर्नुपर्ने थियो तर सकेको छैन् ।”

उहाँले जानकी मन्दिरको संरचना प्रर्वद्धनको बजेटमा भएको भष्ट्राचारलाई संकेत गर्दै, जहाँ कसैसगँ डर हुदैन त्यहाँ भगवनाको डर हुनुपर्छ तर मधेशका नेतृत्वले त भगवानलाई पनि टेरेनन् तपाईँ हाम्रो त के डर भन्दै कटाक्ष गर्नुभयो ।

यस्तै विद्यार्थी आफैले आफु बस्ने चकटी बोकेर विद्यालय जानुपर्ने बाध्यतामा दुख व्यक्त गर्दै मधेशको यो अवस्था कसरी भयो भन्ने बिषयमा सोच्नुपर्ने बेला भएको र यस बिषयमा नागरिकलाई सचेत रहन समेत अपिल गर्नुभयो ।

“शिक्षालाई चुस्त बनाउन “बेटी पढाओ बेटी बँचाओ” भन्ने नारामा भएको भष्ट्राचार घाम जस्तै छर्लङ छ, जनताले सबै बुझेका छन्, यो अवस्थाको परिर्वतनका लागी मधेशले नेतृत्व परिर्वतन गनुपर्ने छ ।”

देशमा संघियता आउनुमा मधेशको ठुलो माग थियो, त्यसैले प्रदेश संरचनामा दलले गरेको बेथितिको आरोप मधेशले सहनुपरेको छ, जनताको प्रत्क्षय पहुँचमा हुनुपर्ने निकाय नेताको भरौटे पालेर दुषित पारिएको छ । यहाँका नेतृत्व वर्गले पहाडी र तराईको नाममा भ्रम छर्दै नेपालीलाई एकअर्कासगँ लडाइरहेको बताउदै नेता मात्र मोटाउने प्रवृतीलाई अन्त्य गर्न मधेशको मतको सम्मान रहने गरी परिर्वतनका लागी तयार हुन समेत मधेशी जनतालाई आग्रह गर्नुभयो ।