सर्वोच्च अदालतको परमादेशबाट प्रधानमन्त्री बनेका शेरबहादरु देउवा ज्योतिषिमा औधी विश्वास गर्दछन् । ज्योतिषिय भाषामा भन्नु पर्दा आजको ग्रह दशा उनको राम्रो रहेनछ ।

देउवा सहभागी भएको एक कार्यक्रममा तीन जना युवाहरुले नागरिकता विद्ययेक खारेज गर भन्दै नाराबाजी गरेका थिए । देउवाको कानैमा पुग्ने गरि नारबाजी गर्ने युवाहरुको परिचय खुलेको छ । स्वतन्त्र अभियानमा रहेकी ती युवाहरुले निरन्तर नागरिकता विद्ययेकको विरोध गर्दै आएका थिए ।

प्रधानमन्त्री देउवा सहभागी भएको कार्यक्रममै पुगेर नाराबाजी गर्ने तीन युवाहरु हुन् अजुर्नराज पौडेल, सोम शर्मा र विप्लव खड्का । यी तीन जना युवाहरुले नागरिकता विद्ययेक खारेज गर भन्ने प्ले कार्ड हातमा बोकेर नारबाजी गरेका थिए ।

सुरुमा एक जनाले ढोकाबाट नागरिकता विद्ययेक खारेज भन्दै प्लेकार्ड देखाएर नारा लगाउँन थाले उनलाई तुरुन्त प्रहरीले बल पुवर्क नियन्त्रणमा लिएको थियो ,लगत्तै देउवाको छेवैमा अर्को नारा लाग्यो एमसीसीको मतियार शेरबहादुर देउवा मुर्दावाद भन्दै ।

एमसीसीको मतियार शेरबहादुर देउवा मुर्दावादको नारा लगाउँने युवा थिए १९ बर्षिय अर्जुनराज पौडेल ,सानै उमेर देखी राष्ट्रियताको सन्दर्भमा खरो बोलेर चर्चामा आएका उनी एमसीसी , नागरिकता विद्ययेक जस्ता कुरा आउँदा सडकमै आएर आन्दोलन गरिरहेका थिए ।

कार्यक्रमलाई सम्बोधन गर्नका लागी देउवालाई उद्घोषले आमन्त्रण गर्ने वित्तिकै हातमा नागरिकता विद्ययेक खारेज गर भन्दै एक युवाले नाराबाजी गर्न थाले उनलाई तुरुन्त प्रहरीले बल पुर्वक बाहिर निकाल्यो त्यस लगत्तै अर्जुनराज पौडेलले एमसीसीको मतियार शेरबहादुर देउवा मुर्दावाद भन्दै नारा लगाएका थिए । उनलाई पनि देउवाका सुरक्षा गार्डहरुले कठालो समातेर बाहिर निकालेका थिए ।

प्रहरीले नियन्त्रणमा लिएका युवाहरुको अवस्था अहिले पनि अज्ञात रहेको छ । उनीहरुलाई अहिले कहाँ राखियो भनेर केहि जानकारी प्रहरीले गराएको छैन । तीन युवालाई प्रहरीले अपहरण गरेको भन्दै सामाजिक संजालमा व्यापक विरोध सुरु भएको छ ।

ती युवाको अवस्था सार्वजनिक हुन पर्ने र उनीहरुलाई तुरन्त रिहाइ गरिनु पर्ने भन्दै सामाजिक अभियान्ताहरुले समाजिक संजाल मार्फत दबाव बढाउँदै लगेका छन् । विभिन्न व्यक्तिहरुले सामाजिक संजालमा स्टाटस लेख्दै तीन युवालाई तुरुन्त रिहाइको माग गरेका छन् ।