काठमाडौं । पूर्वराजा ज्ञानेन्द्र शाह आजबाट ७६ औं बर्षमा प्रवेश गर्नुभएको छ। वहाँको शुभजन्मोत्सवका अवसरमा राजनीतिक दलका नेतादेखि सर्बसाधारणसम्मले सामाजिक संजालमार्फत सुस्वास्थ्य र दीर्घायुको कामना गर्दै शुभकामना व्यक्त गरिरहेका छन् ।
राजा ज्ञानेन्द्रको शुभजन्मोत्सव मनाउन नागरिक मूल समारोह समिति गठन गरिएको भएपनि पूर्बराजदम्पती थाईल्याण्डमा रहेका कारण यस बर्ष निर्मल निबास पुगेर वहाँलाई शुभकामना दिने कार्यक्रम भने प्रभावित भएको छ। गत असार ३ गते थाइल्याण्ड पुगेका पूर्वराजा र पूर्वरानी कोमल शाहको त्यहाँ कम्तीमा एक महिना बस्ने योजना रहेको निर्मल निवास स्रोतले बताएको छ ।
पूर्वराजाका संवाद सचिव डा। फणिराज पाठकले असार महिनाभर थाइल्याण्डमै रहने र साउन लागेपछि फर्कने मिति तय हुने बताएका छन् ।
हुनत पूर्वराजाको थाइल्याण्ड भ्रमण निजी हो । नातिनीको दीक्षान्तमा सहभागी हुन पूर्वराजदम्पती त्यहाँ प्रस्थान गर्नुभएको थियो।