काठमाडौं । कथाकार शेखर ढुंगेलको “जात” नामक कथा संग्रह हालै प्रकाशित भएको छ । १८ वटा कथाहरु संग्रहित यो पुस्तकलाई पल्लव प्रकाशनले प्रकाशन गरेको हो । नेपाली साहित्य सिर्जनशीलताले गति लिइरहेको अहिलेको समयमा प्रकाशित यो कथा संग्रहमा संग्रहित कथाहरु आपैmमा अमूल्य छन । यस संग्रहमा रहेका कथाहरुमा नेपाली समाजको चित्रण गरिएको छ । नेपाली मनवभित्रका सबैे खालका संस्कार, चेतना, भोगाइ, भाव र चरित्रलाई संग्रहका कथाहरुमा विश्लेषण गरिएको छ । कथाहरु नेपाली समाजसँग प्रत्यक्षरुपमा जोडिएका छन् । कथाहरुमा नेपाली भुगोल र परिवेशका बारेमा कलात्मक र अर्थपूर्ण रुपमा प्रस्तुत गरिएको छ । मूलुकमा बढ्दो भ्रष्टाचार, अपराध, विकृति, बेरोजगार, अनियमितता र त्यसबाट विक्षिप्त नागरिकका बेदना कथामा समेटिएका छन ।
सिर्जनात्मक पथका अविश्रान्त यात्री ढुंगेलले काव्य, यात्रा संस्मरण, कविता, गीत, आख्यान एवं समसामयिक लेखनको क्षेत्रमा निरन्तर कलम चलाउदै आएका छन । उनका यसअघि विविध विधाका अन्य कृतिहरु प्रकाशन भइसकेका छन् भने केहि प्रकाशोन्मुख छन । यस पुस्तकको मुल्य रु. ३५० रहेको छ ।