चितवन । आउने वैशाख ३० गते हुन लागेको स्थानीय तहको निर्वाचनमा सबैको नजर चितवन परेको छ । गठबन्धनबाट अहिलेकी मेयर रेणु दाहाल र नेपाली कांग्रेस नेता एवं पूर्व सांसद जगन्नाथ पौडेलबीच कडा टक्कर हुने देखिएको छ । किनभने पाडेले कुनै पनि हालतमा आफू अब ब्याक नहुने बताइ सकेका छन् । बरु आफू पार्टीको कारवाही भोग्न तयार छु तर हँशिया हथ्यौडा भोट नहाल्ने बताइसकेका छन् । उनले कांग्रेसको कारबाही सहज रूपमा स्वीकार गर्ने बताउनुभयो ।

चितवनको भरतपुर महानगरपालिकामा स्वतन्त्र उम्मेदवारी दिनुभएका पौडेलले कुनै हालतमा मनोनयन फिर्ता नलिने अडान कायम राख्नुभएको छ ।
प्रधानमन्त्री शेरबहादुर देउवाले एक जना मन्त्री, एक जना राज्यमन्त्री र पूर्व प्रधानन्यायाधीशलाइ समेत भरतपुर पठाएर पौडेललाई सम्झाउने प्रयास गरेका थिए तर उनको त्यो प्रयास असफल भएको छ ।

प्रचण्ड पुत्री रेणु दाहाललाइ भरतपुरको मेयरमा दोहोर्याउन प्रचण्डको प्रस्तावमा देउवाले कांग्रेसको संगठन नै समाप्त पार्ने गरी गलत निर्णय लिएको भन्दै कांग्रेस कार्यकर्ताले बिरोध जनाउँदै आएका छन् । पौडेले आफूले चुनावको सामना गर्ने बताउँदै भनेका छन ‘म फर्किने ठाउँमा छैन। फर्किन नसक्ने ठाउँमा पुगिसकेँ। मैले मेरो अवस्था नेताहरुलाई जानकारी गराइसकेको छुु ।