हेटौंडाको मेयर हुन्छु भन्ने अनन्त पौडेल को हुन् ?

२०७९ बैशाख ९ गते, शुक्रबार

हेटौंडा । हेटौंडा उपमहानगरपालिकाका प्रमुख हरिबोल महत नेकपा एमालेका भाग्यमानी मान्छेमध्ये नै पर्छन् । उनी फेरि पनि मेयर हुने दाउमा छन् तर उनको अहिलेको नेतृत्व कमजोर भएकाले उनी फेरि पनि उम्मेदवार भए आफूहरुलाई जित्न गाह्रो पर्ने एमालेका नेताहरुले नै बताउँदै आएका छन् । उनलाई फेरि मेयरमा उठाए समस्या पर्ने स्थानीय नेताहरुले पार्टीका केन्द्रीय नेताहरुलाई अवगत गराइसकेका छन् ।
पार्टीको उपमहानगर समितिले महतसहित २०७० को संविधानसभामा मकवानपुर ३ बाट जितेका एमाले सभासद् अनन्त पौडेलको नाम केन्द्रमा पठाएको छ । अनन्त राजनीतिमा पुराना मान्छे हुन् । पार्टीको विभिन्न जिम्मेवारीमा रहेर आफ्नो भूमिका निर्वाह गरेका उनी एक पटक मेयर बन्ने अवसर पाए केही गरेर देखाउने बताउछन् । पौडेलको राजनीतिक इमानदारिता र सांगठनिक कुशलताको अरु पार्टीकाले पनि खुलेरै प्रशंसा गरेका छन् । पार्टीको केन्द्रीय निर्वाचन विभागका सदस्य उनी संविधानसभा सदस्य परिषद्का संयोजक पनि हुन् । तीन पटक जिल्लाको पार्टी प्रमुख, दुई पटक अञ्चल प्रमुख भएका उनले २०४६ र २०६२÷६३ सालको आन्दोलनमा अग्रणी भूमिकामा रहेर आन्दोलनको नेतृत्व गरेको इतिहास अझै पनि मकवानपुरवासीले सम्झिइरहेका छन् । उनी २०४३ सालमा नै पार्टीका नगर सचिव भएका थिए ।
२०५१ सालमा सुकुम्वासी आयोगको जिल्ला अध्यक्ष हुँदा उनले भूमिहीन र अव्यवस्थित वसोवासीहरुको लागि उल्लेखनीय योगदान गरेका थिए । उनले ३२ सयलाई लालपुर्जा दिएको जनाएका छन् । राजनीतिसँगै सामाजिक र विकासका गतिविधिमा सक्रिय उनको मेयरमा उम्मेदवारी परेपछि स्थानीय पनि खुशी भएका छन् । ‘मैले राजनीतिलाई कहिल्यै पनि गलत रुपमा प्रयोग गरेको छैन, त्यही इमानदारिताले आज मैले कसैसँग झुक्नु परेको छैन’ उनले भने ‘उपमहानगरपालिका र उपमहानगरवासीको लागि के के गर्नुपर्छ भन्ने मसँग प्रष्ट दृष्टिकोण छ ।’ उनले हेटौंडा हरेक प्रकारका सम्भावना भएको ठाउँ भएकाले त्यसलाई आफूले चिनेको बताए । उनी संविधानसभामा उपमहानगरपालिका भएको क्षेत्रबाट नै निर्वाचित भएका थिए । उनको उम्मेदवारी पर्ने भएपछि स्थानीयले पनि पौडेलले पार्टीप्रति गरेको लगानी र निष्ठाको सम्मान भएको भन्दै आएका छन् ।
मकवानपुर बहुमुखी क्याम्पसको सञ्चालक समितिको अध्यक्षसमेत रहेका उनले समाज र जनताका लागि सधैं समय खर्च गर्दै आएका छन् । उनी मेयरमा बलियो दाबेदारको रुपमा छन् । हेटौंडाको मेयरमा सत्ता गठबन्धनले नेकपा ९एकीकृत समाजवादी० लाई दिने निर्णय बुधबार गरेको छ । पौडेल हेटौडा एमालेको गढ भएको बताउँछन् । ‘हेटौंडा मात्र होइन मकवानपुरमा नै एमाले बनाउने कुरामा मेरो मुख्य योगदान छ’ उनी भन्छन् ‘ म एमालेको मान्छे हुँ तर पनि राजनीतिक आस्थाका आधारमा कहिल्यै कसैलाई विभेद गरेको छैन र गर्दिन पनि ।’ उनी उम्मेदवार भइरहँदा उनले ‘न्यूट्रल’ मत पनि आफूले प्रशस्तै पाउने दाबी गरेका छन् ।
स्थानीय एमालेहरुको भावनाविपरीत अहिलेका मेयरले काम गरेकाले एक पंक्ति मेयर महतको विपक्षमा रहेको स्थानीयको भनाई छ । ‘अहिलेका मेयरले पार्टीलाई बेवास्ता गर्नुभयो, सेटिङमा अरु पार्टीको मात्र काम गर्नुभयो’ एक स्थानीय भन्छन् ‘ मेयर त एमालेले नै बनाएको छ, त्यो कुरा नसम्झिनु उहाँको लागि अहिले खतरा भएको छ ।’ एमालेका नेता विरोध खतिवडा, मनु सिग्देलको विपक्षमा पार्टीको जिल्ला कमिटी भएकाले महतको त्यतिबेला भाग्य चम्किएको विश्लेषण गरिएको छ । महत २०४४ सालमा वडाध्यक्ष भए । २०४९ र २०५४ सालमा हेटौंडाको उपमेयर भए । एउटै व्यक्तिलाई कति पटक पद दिने भनेर पार्टी पंक्तिबाट पनि एकातिर उनको विरोध भएको छ भनें अर्कातिर उनको अहिलेको कार्यकाल पार्टी र जनताको लागि उपलब्धीमूलक नभएकाले पनि महतप्रति पार्टी र जनताको आकर्षण पूरै घटेको जनाइएको छ ।
पौडेल आफूले मेयरको टिकट पाउने विश्वास गर्छन् । ‘म मेयर हुनु भनेको नगरवासीको हित हुनु हो त्यसकै लागि एक पटक अवसर खोजेको छु’ उनी भन्छन् ‘ ५ वर्षमा हेटौंडालाई उत्कृष्ट शहर र उपमहानगर बनाउने मेरो सपना छ ।’

8 Views

ताजा

गोरखाबाट बाबुराम भट्टराईले गरे मतदान

२०७९ बैशाख ३० गते, शुक्रबार

गोरखाबाट बाबुराम भट्टराईले गरे मतदान

२०७९ बैशाख ३० गते, शुक्रबार

चितवनबाट प्रचण्डले गरे मतदान, जित र हार स्वभाविक प्रक्रिया होः प्रचण्ड

२०७९ बैशाख ३० गते, शुक्रबार

हेटौंडाबाट कमल थापाले गरे मतदान

२०७९ बैशाख ३० गते, शुक्रबार

यो निर्वाचन परीक्षाको घडीः राजेन्द्र लिङ्देन

२०७९ बैशाख ३० गते, शुक्रबार

मतदाताहरु परिवर्तन गर्न उत्साहित: बालेन शाह

२०७९ बैशाख ३० गते, शुक्रबार

बिहानैदेखि सुनसान काठमाडौं

२०७९ बैशाख ३० गते, शुक्रबार

प्रमुख निर्वाचन आयुक्त थपलिया भन्छन्, निर्धक्क भएर मतदान गर्नु

२०७९ बैशाख ३० गते, शुक्रबार

आज निर्वाचन, एक लाख ४५ हजार ११ जना चुनावी प्रतिस्पर्धामा

२०७९ बैशाख ३० गते, शुक्रबार

पैसा बाँडिरहेका एमाले उम्मेदवार प्रहरीको नियन्त्रणमा

२०७९ बैशाख २९ गते, बिहीबार

प्राथमिक तह शिक्षक पदको नतिजा सार्वजनिक

२०७९ बैशाख २९ गते, बिहीबार

लोकप्रिय

मौन अविधि आज राति १२ बजेबाट सुरु हुने, उल्लंघन गरे कारबाही

२०७९ बैशाख २७ गते, मंगलवार

दाजुद्वारा भाईको कफीशप उद्घाटन

२०७८ पुष १९ गते, सोमबार
२९ गते नेपाल बन्द हुँदै

पेट्रोलियम पदार्थको मूल्यवृद्धिविरुद्ध ३० गते नेपाल बन्द

२०७८ कार्तिक २६ गते, शुक्रबार

सुरजवीर बज्राचार्यको नयाँ गीत ‘हाकुमैंचा’ सार्वजनिक (गीतसहित)

२०७८ भाद्र ६ गते, आईतवार

जेफ बेजोसले आज अंतरिक्षको उडान भर्ने, यो यात्रामा के–के होला

२०७८ श्रावण ५ गते, मंगलवार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

खुशीकाे खबर ! ३३ करोडको आईपीओ निष्कासन हुँदै, अब पैसा जम्मा गर्नुहाेस् ।

२०७८ असार २४ गते, बिहीबार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

यूनियन लाइफ इन्स्योरेन्सको आईपीओमा कति पर्यो आवेदन ?

२०७८ असार २४ गते, बिहीबार

2020 Copyrights Reserved at dnfkhabar.com

Designed & Developed By Web House Nepal