निजामती कर्मचारी संगठनको अध्यक्षमा कोइराला

२०७८ चैत्र ६ गते, आईतवार

काठमाडौं । नेकपा (एमाले) निकट नेपाल निजामती कर्मचारी संगठनको अध्यक्षमा लेखनाथ कोइराला सर्वसम्मत निर्वाचित भएका छन् । हालै भएको ११ औं राष्ट्रिय अधिवेशनबाट अध्यक्ष भएका कोइरालाले आफ्नो कार्यकालमा धेरै काम गर्ने बताएका छन् । सर्वसम्मत रुपमा नेतृत्व आउनु आफैंमा खुशीको कुरा भएको भन्दै उनले आगामी दिनमा संगठनले थप गति लिने बताए ।
उनले सबै जिल्ला र विभागीय समितिमा पनि सर्वसम्मत नेतृत्व आएकाले संगठनभित्र कुनै पनि विवाद छैन भन्ने स्पष्ट भएको समेत उल्लेख गरे । ‘हुन त अरु साथीहरु पनि विभिन्न प्रतिस्पर्धामा हुनुहुन्थ्यो, हामीले एक प्रकारको सहमति ग¥यौं, जसलाई सबैले स्विकार्ने वातावरण बन्यो’ अध्यक्ष कोइरालाले भने ‘ केही साथीहरु आउनुपर्ने थियो छुट्नुभयो, गुनासो गर्नु पर्दैन, सबैलाई योग्यता, क्षमता र सक्रियताका आधारमा जिम्मेवारी दिन्छौं ।’ कोइराला संगठनको निवर्तमान वरिष्ठ उपाध्यक्ष हुन् । अध्यक्ष कोइरालाले ‘क्षतिपूर्तिसहितको नागरिक सेवा’ को बारेमा आफूहरुले पटक पटक कुरा उठाए पनि सरकारले कार्यान्वयन गर्न चासो नदेखाएको आरोप लगाएका छन् । उनले कुनै पनि कर्मचारीले काम नगरेबापत सेवाग्राहीलाई कुनै घाटा भए र काम गराउन बसेबापत खर्च भए त्यसबापत सेवाग्राहीलाई क्षतिपूर्ति दिने व्यवस्था यो सेवामा रहने उल्लेख गरे । संगठनको स्थापनादेखि नै काम गर्दै आएका उनले संगठनको विभिन्न जिम्मेवारीमा बसेर काम गरिसकेका छन् । निजामती सेवा र संगठनलाई कस्तो बनाउनुपर्छ भन्ने बारेमा आफू जानकार रहेको भन्दै थपे ‘ आजभोलि पनि हाम्रो सेवालाई लिएर कताकता गुनासा गरेको भेटिन्छ त्यसबारे पनि मेरो गम्भीर ध्यानाकर्षण भएको छ ।’ उनले समयमा सेवाग्राहीलाई सेवा दिनु कर्मचारीको कर्तव्य भएकाले त्यो जिम्मेवारी निर्वाह गर्नसमेत सबैलाई आग्रह गरेका छन् । उनले ट्रेड युनियन अधिकारबारे अझै पनि कताकता अनेक भ्रम रहेकाले त्यसबारे सातैवटा प्रदेश र अन्य निकायमा पुगेर स्पष्ट पार्ने बताएका हुन् ।
नवनिर्वाचित अध्यक्ष लेखनाथ कोइरालाले सरकार पक्षले आफूले हार्ने डरले आधिकारिक ट्रेड युनियनको निर्वाचन गर्न नचाहेको आरोप लगाएका छन् । उनले पार्टीमा केही समस्या देखिए पनि आफूहरुलाई कुनै असर नपरेकाले जहिले पनि आधिकारिक ट्रेड युनियनको निर्वाचनको सामना गर्न संगठन तयार भएको बताए । ‘आधिकारिक ट्रेड युनियनको म्याद सकिएको छ, सक्छ भनें सरकारले निर्वाचन गरोस्, हामी सानदार जीत हासिल गर्ने छौं’ उनले भने ‘ हामीले जित्छौं भनेर नै होला सरकार निर्वाचन गर्न डराएको छ ।’ उनले पहिलोपटक भएको निर्वाचनमा पनि अरु संघ संगठनको सबै मत जोड्दा पनि संगठनले बढी मत ल्याएको पनि स्पष्ट पारे । उनले संगठन छोडेका केही साथीहरु पनि पछि फर्केर आउने बताए । आधिकारिकको निर्वाचन ४ वर्षको लागि २०७३ जेष्ठ १९ गते भएको थियो । उनले अधिवेशनको क्रममा आफू धेरै जिल्ला पुगेकोले त्यहाँको अवस्थाको बारेमा जानकार भएकाले निर्वाचनमा जान आतुर रहेको पनि जनाए । ‘ट्रेड युनियन अधिकार के हो ? सुशासन के हो ? जनप्रतिनिधि र उच्च प्रशासकसँगको सम्बन्ध कस्तो हुनुपर्छ भन्नेमा देशव्यापी रुपमा अभियान नै चलाउँछौं’ उनले भने ‘ मैले जुन विश्वास पाएको छु, कार्यकाल सकेर बाहिरिँदा पनि त्यो विश्वासलाई घट्न दिने छैन, आशा छ बढाएर नै बिदा हुन्छु ।’ भक्तपुरमा अधिवेशनले गरेका निर्णय सार्वजनिक गर्न बुधबार आयोजित पत्रकार सम्मेलनमा अध्यक्ष कोइरालाले संस्थालाई आगामी दिनमा कसरी अघि बढाउने भन्ने खाका पनि प्रस्तुत गरे । संगठनका नवनिर्वाचित महासचिव जीवन काफ्लेले संस्थाको तर्फबाट भावी योजना र कार्यदिशा पढेर सुनाएका थिए । पत्रकारको जवाफ दिँदै अध्यक्ष कोइरालाले आफूहरुले जनताको पक्षमा गरेका राम्रा कामको चर्चा कम हुने गरेको भन्दै कर्मचारीप्रति नकारात्मक धारणा बढेकोमा चिन्ता पनि गरे ।
संगठनको स्थापना २०४७ साल वैशाख ७ गते भएको थियो । यो निमाजती कर्मचारीको सबैभन्दा जेठो संगठन हो । उनले झण्डै ४० हजार निमाजती कर्मचारी संगठनमा आबद्ध हुनु संगठनको लागि गौरवको विषय भएको जनाए । ‘संघीयतामा सुशासन, सामाजिक सुरक्षा र श्रमको सम्मान–राजनीतिक अधिकारसहितको ट्रेड युनियन, हाम्रो अभियान’ भन्ने नाराका साथ सम्पन्न महाधिवेशनले कोइरालाको अध्यक्षतामा ३ वर्षको लागि १ सय ५१ जनाको केन्द्रीय समिति गठन गरेको छ । कार्यक्रममा अधिवेशन सम्पन्न गर्न सहयोग गर्ने विभिन्न व्यक्तित्वहरुलाई सम्मानस्वरुप प्रशंसापत्र प्रदान गरिएको थियो ।

15 Views

ताजा

भरतपुरमा रेणुलाई पछयाउँदै सुवेदी

२०७९ बैशाख ३१ गते, शनिबार

भरतपुरमा रेणुलाई पछयाउँदै सुवेदी

२०७९ बैशाख ३१ गते, शनिबार

भक्तपुरमा नेमकिपाको अग्रता कायमै

२०७९ बैशाख ३१ गते, शनिबार

पोखरामा एमालेले लियो अग्रता

२०७९ बैशाख ३१ गते, शनिबार

काठमाण्डौमा बालेन शाहको अग्रता कायमै, केशव स्थापितले पछ्याउँदै

२०७९ बैशाख ३१ गते, शनिबार

सरकारले पुनः डिजेल र पेट्रोलको मूल्य बढायो, पेट्रोल १७० रुपैयाँ लिटर

२०७९ बैशाख ३१ गते, शनिबार

गुलरिया–१ मा कांग्रेसका उम्मेदवार थारु विजयी

२०७९ बैशाख ३१ गते, शनिबार

स्थापितभन्दा बालेन ३७ भोटले अगाडि

२०७९ बैशाख ३१ गते, शनिबार

देउवाकै वडामा बिपी कांग्रेस बिजयी

२०७९ बैशाख ३१ गते, शनिबार

बुटवल उपमहानगर–१ मा काँग्रेसका बागी उम्मेदवार बस्नेत विजयी

२०७९ बैशाख ३१ गते, शनिबार

धनगढी उपमहानगरपालिकामा मेयरका स्वतन्त्र उम्मेदवार हमालको अग्रता कायमै

२०७९ बैशाख ३१ गते, शनिबार

लोकप्रिय

मौन अविधि आज राति १२ बजेबाट सुरु हुने, उल्लंघन गरे कारबाही

२०७९ बैशाख २७ गते, मंगलवार

दाजुद्वारा भाईको कफीशप उद्घाटन

२०७८ पुष १९ गते, सोमबार
२९ गते नेपाल बन्द हुँदै

पेट्रोलियम पदार्थको मूल्यवृद्धिविरुद्ध ३० गते नेपाल बन्द

२०७८ कार्तिक २६ गते, शुक्रबार

सुरजवीर बज्राचार्यको नयाँ गीत ‘हाकुमैंचा’ सार्वजनिक (गीतसहित)

२०७८ भाद्र ६ गते, आईतवार

जेफ बेजोसले आज अंतरिक्षको उडान भर्ने, यो यात्रामा के–के होला

२०७८ श्रावण ५ गते, मंगलवार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

खुशीकाे खबर ! ३३ करोडको आईपीओ निष्कासन हुँदै, अब पैसा जम्मा गर्नुहाेस् ।

२०७८ असार २४ गते, बिहीबार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

यूनियन लाइफ इन्स्योरेन्सको आईपीओमा कति पर्यो आवेदन ?

२०७८ असार २४ गते, बिहीबार

2020 Copyrights Reserved at dnfkhabar.com

Designed & Developed By Web House Nepal