औचित्यहीन बन्दै प्रतिनिधिसभा

२०७८ फाल्गुन ५ गते, बिहीबार

काठमाडौं । सर्वोच्च अदालतको परमादेशबाट ब्यूँतिएको प्रतिनिधिसभा त्यसयता सुचारु रुपले सञ्चालन हुन सकेको छैन । आफ्नो पार्टी विभाजनका लागि सभामुख अग्निप्रसाद सापकोटाले षड्यन्त्र गरेको भन्दै त्यो नसच्याएसम्म प्रतिनिधिसभा बैठक सञ्चालन हुन नदिने निर्णयमा प्रमुख प्रतिपक्षी दल नेकपा एमाले अडिग छ । उसको यही अडान र पछिल्लो समय अमेरिकी सहयोग नियोग एमसीसीका कारण संसद चल्न सकिरहेको छैन । जसका कारण प्रतिनिधिसभाकै औचित्यमाथि प्रश्न खडा हुन पुगेको छ ।
प्रधानमन्त्री शेरबहादुर देउवाले एमसीसी टेबुल गर्ने बताउँदै आए पनि हिजोको प्रतिनिधिसभा बैठक पनि लामो समयसम्म चल्न सकेन । एमाले सांसदहरुले अवरोध जारी राखेपछि १४ मिनेट बसेर प्रतिनिधिसभा बैठक ६ गते शुक्रबार सम्मका लागि स्थगित हुन पुगेको छ ।
सर्वोच्च अदालतले गत असार २८ गते दोस्रोपटक पुनःस्थापित भएपछि प्रतिनिधिसभा बैठक संचालन हुन सकेको छैन । विभिन्न राजनीतिक घटनाक्रमसँगै पछिल्लो एमसीसी सम्झौताको विषयले प्रतिनिधिसभा बन्धक बनिरहेको छ । नियम कानूनको निर्माण र जनताका समस्याहरुबारे छलफल गर्नुपर्ने निकाय बन्धक बन्नु र जनप्रतिनिधिहरुले तलब र भत्ताबापत अर्बौ रुपैयाँको स्वाहा बनाउनुलाई कुनै पनि हिसाबमा उचित मान्न सकिँदैन । दोश्रो पटक संसद पुनस्र्थापित भएयता वास्तविक रुपमा राष्ट्रिय ढुकुटी रित्याउने काम मात्र भएको छ । पटक–पटक सूचना टाँस गरेर बैठक स्थगित हुनुले पनि यो कुराको पुष्टि गर्दछ ।
सदन खुलाउन सभामुख अग्नि सापकोटाले पर्याप्त पहल नगर्दा उनको काम नै सूचना टाँस गरेर बैठक रोक्नमै सीमित हुन पुगेको छ । संविधानसभाताका अध्यक्ष सुवास नेम्वाङको दिनचर्या यसैगरी बित्ने गरेको थियो । त्यही कारण हिजो नेम्वाङमाथि गरिएको व्यंग्य हिजोआज सामाजिक सञ्जालमा सभामुख सापकोटामाथि गर्न थालिएको छ । मंसिर २८ गतेदेखि सुरु भएको सदनको हिउँदे अधिवेशन एक पनि राम्रोसँग बैठक बस्न सकेको छैन । गत पुस १८ गते यता मात्रै सभामुख सापकोटाको निर्देशनमा महासचिव भरतराज गौतमले ६ पटक बैठक स्थगित भएको सूचना जारी गरेका छन्। सभामुख सापकोटाले पुस २२, २८ गते र माघ ३, १६ र २६ गतेका लागि तय भएको बैठक स्थगित गरेका हुन् । पछिल्लो समय प्रतिनिधिसभा बैठक स्थगितको बहाना बनेको छ, एमसिसी सम्झौताको अनुमोदन । बुधबार दिउँसो १ बजे का लागि बोलाइएको बैठक मंगलबार राति कार्यालय बन्द भइसकेपछि सूचना जारी गर्दै स्थगित भयो । दलहरुबीच एमसीसीका सम्बन्धमा एक किसिमको सहमति भएर संसद बैठक बोलाइए पनि विपक्षी दल नेकपा एमालेका कारण सुचारु हुने स्थिति छैन । प्रमुख विपक्षी दल एमालेलाई विश्वासमा लिएर र एमसीसीका सन्दर्भमा ठोस धारणा बनाएर अगाडि बढ्न नसक्ने हो भने यो प्रतिनिधिसभालाई निरन्तरता दिइरहनु बोझ सिवाय केही हुनेछैन ।

15 Views

ताजा

घोराहीमा गठबन्धनलाई हराउँदै एमालेका चौधरी विजयी

२०७९ जेष्ठ ५ गते, बिहीबार

घोराहीमा गठबन्धनलाई हराउँदै एमालेका चौधरी विजयी

२०७९ जेष्ठ ५ गते, बिहीबार

तालमेलका कारण निर्वाचन परिणाम उत्साहजनक आयोः शर्मा

२०७९ जेष्ठ ५ गते, बिहीबार

चाँनगुनारायण– ७ मा राप्रपाबाट श्रेष्ठ विजयी

२०७९ जेष्ठ ५ गते, बिहीबार

काँग्रेसको गढमा काँग्रेसकै बागी उम्मेदवार राजुसिंह कठायत विजयी

२०७९ जेष्ठ ४ गते, बुधबार

बाँकेको डुडुवा गाउँपालिका अध्यक्ष र उपाध्यक्षमा कांग्रेस विजयी

२०७९ जेष्ठ ४ गते, बुधबार

राजेन्द्र लिङ्देनको गृहनगरमा उनका भाई रविन्द्र राप्रपाबाट विजयी

२०७९ जेष्ठ ४ गते, बुधबार

बाँसगढी नगरपालिकामा एमाले विजयी

२०७९ जेष्ठ ४ गते, बुधबार

काठमाडौं वडा नम्बर ७ मा पनि बालेन अगाडि

२०७९ जेष्ठ ४ गते, बुधबार

मेलम्चीमा भत्कियो एमालेको गढ, कांग्रेसले जित्यो मेयर

२०७९ जेष्ठ ४ गते, बुधबार

भक्तपुरको मध्यपुर थिमिमा जेठानले ज्वाइँलाई हराए

२०७९ जेष्ठ ४ गते, बुधबार

लोकप्रिय

मौन अविधि आज राति १२ बजेबाट सुरु हुने, उल्लंघन गरे कारबाही

२०७९ बैशाख २७ गते, मंगलवार

दाजुद्वारा भाईको कफीशप उद्घाटन

२०७८ पुष १९ गते, सोमबार
२९ गते नेपाल बन्द हुँदै

पेट्रोलियम पदार्थको मूल्यवृद्धिविरुद्ध ३० गते नेपाल बन्द

२०७८ कार्तिक २६ गते, शुक्रबार

सुरजवीर बज्राचार्यको नयाँ गीत ‘हाकुमैंचा’ सार्वजनिक (गीतसहित)

२०७८ भाद्र ६ गते, आईतवार

जेफ बेजोसले आज अंतरिक्षको उडान भर्ने, यो यात्रामा के–के होला

२०७८ श्रावण ५ गते, मंगलवार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

खुशीकाे खबर ! ३३ करोडको आईपीओ निष्कासन हुँदै, अब पैसा जम्मा गर्नुहाेस् ।

२०७८ असार २४ गते, बिहीबार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

यूनियन लाइफ इन्स्योरेन्सको आईपीओमा कति पर्यो आवेदन ?

२०७८ असार २४ गते, बिहीबार

2020 Copyrights Reserved at dnfkhabar.com

Designed & Developed By Web House Nepal