काठमाडौँ । नेपालका युवा उद्यमी सुदर्शन राज शर्मा “अन्तराष्ट्रिय उत्कृष्ट अध्यक्ष–२०२२” पुरस्कारबाट सम्मानित भएका छन् । अन्तर्राष्ट्रिय शिक्षा ओलम्पियाड्स र स्पेस (कला, संस्कृति र शिक्षाको स्थायीत्वको लागि समाज) संस्थाले यही १६ जनवरीमा भारतको नयाँ दिल्लीमा आयोजना गरेको इन्टरनेशनल लिडर्स एण्ड एचिभर्स अवार्डले नेपालका युवा उद्यपी शर्मालाई उक्त अवार्ड प्रदान गरेको हो ।
उद्यमी शर्माले यो यसअघि नेपाल सरकारबाट युवा व्यावसायी पुरस्कार पनि पाईसकेका छन् । निर्देशक तथा अध्यक्ष, प्रध्यापक तथा उपप्रध्यापक, प्रोफेसर, शिक्षक, उद्यमी लगायतका विभिन्न शिर्षकमा आयोजकहरुले २५ देशका उत्कृष्ट व्यक्तिहरुलाई सम्मान गरेको हो ।
विभिन्न व्यावसायिक क्षेत्रहरूमा उपलब्धि हासिल गर्नेहरूका लागि चासोको विषयलाई सम्बोधन गर्दै यी दुई संस्थाले उक्त अवार्ड कार्यक्रम राखेको हुन् । यसले विभिन्न क्षेत्रहरूमा प्रभावकारी नेतृत्व र उपलब्धिहरूलाई मान्यता दिने तथा प्रशंसा गर्ने हुँदा सोही क्षेत्रमा थप उर्जा लिएर अगाडी बढ्न सहयोग गर्ने आयोजनक संस्थाहरुको विश्वास रहेको छ ।
साथै कार्यक्रमले सहभागीहरूलाई आफ्नो काम र सन्देश विश्वभरका चासो राख्ने व्यक्ति तथा संस्थामा पुर्याउन सहयोग गर्ने छ ।

यस कार्यक्रमले प्रभावकारी नेतृत्व र उपलब्धिलाई मान्यता तथा प्रशंसा गर्ने पुरस्कारका साथसाथै, समकालीन समयमा प्रभावकारी नेतृत्वः समस्याहरू र चुनौतीहरूको महत्त्वपूर्ण वर्तमान विषयवस्तुमा सम्मेलन मार्फत व्यावसायिक विकासको लागि अवसर प्रदान गरेको छ ।

उक्त सम्मेलनमा प्रसिद्ध, अनुभवी, प्रेरणादायक वक्ताहरूको सहभागि रहेको थियो । साथै उक्त कार्यक्रममा २५ भन्दा बढी देशबाट २ सय पचास भन्दा बढी सहभागि रहेको थिए ।