चितवन क्रिकेट रंगशालाको प्रारम्भिक प्रतिवेदनः भौतिक प्रगति १४ प्रतिशत, ५१ करोड खर्च

२०७८ पुष २८ गते, बुधबार

चितवन । भरतपुर महानगरपालिका–१५ रामपुरमा निर्माणाधीन गौतमबुद्ध अन्तर्राष्ट्रिय क्रिकेट रंगशालाको बाँकी काम संघीय सरकारले गर्ने भएको छ। रंगशालाको भौतिक तथा आर्थिक प्रारम्भिक प्रतिवेदन तयार गरेर महानगरले युवा तथा खेलकुद मन्त्रालयमा पेस गरेको छ।

रंगशाला निर्माणमा पर्याप्त आर्थिक सहयोग उपलब्ध हुन छाडेपछि रंगशाला निर्माणकर्ता धुर्मुस सुन्तली फाउण्डेशनले रंगशालाको स्वामित्व ग्रहण गरिदिन २ पुसमा महानगरलाई पत्र पठाएको थियो। रंगशालाको भौतिक तथा आर्थिक मूल्यांकन गरेर महानगरले प्रतिवेदन मन्त्रालयमा पेस गरेको हो।

महानगरले रंगशालाको भौतिक प्रगति मूल्यांकन गर्न शघन सहरी विकास आयोजना र आर्थिक प्रगति मूल्याकंन गर्न नेपाल चार्टड एकाउन्टेड संस्थालाई जिम्मा दिएको थियो।

प्रारम्भिक मूल्याकंन प्रतिवेनदअनुसार रंगशालाको भौतिक प्रगति १४ प्रतिशत छ। रंगशाला निर्माणमा हालसम्म ५१ करोड बढी खर्च भएको देखिन्छ। दुई वटै प्रतिवेदन भरतपुर महानगर प्रमुख रेनु दाहालले युवा तथा खेलकुद मन्त्रालयमा बुझाएकी छन्। रंगशालाको बाँकी काम संघीय सरकारले गर्ने भएको छ।

महानगरले प्रारम्भिक प्रतिवेदन पेश गरे पनि उक्त प्रतिवेदन अध्ययन गरेर मन्त्रालयले अन्तिम रुप दिने भरतपुर महानगरपालिकाका प्रमुख प्रशासकीय अधिकृत रामबन्धु सुवेदीले बताए। ‘फाइनल मूल्यांकन मन्त्रालयले पनि गर्न सक्छ। हामीलाई प्राप्त प्रारम्भिक प्रतिवेदनअनुसार चाहिँ भौतिक प्रगति १४ प्रतिशत छ’, उनले भने, ‘त्यो प्रतिवेदन मेयरसापले मन्त्रालयमा लगेर पेस गरेका छन्।’

महानगरले बुझाएको प्रतिवेदनमा मन्त्रालयको चित्त नबुझे मन्त्रालय आफैले पनि मूल्याकंन गर्न सक्ने उनको भनाइ छ। सघन सहरीले तीन दिन अगाडि महानगरलाई प्रारम्भिक प्रतिवेदन बुझाएको हो। आर्थिक मूल्यांकनका लागि महागनरले नेपाल चार्टड एकाउन्टेड संस्थालाई जिम्मा दिएको थियो। संस्थाले आठ दिनअगाडि नै आर्थिक मूल्यांकनको प्रारम्भिक प्रतिवेदन महानगरलाई दिएको हो।

दुवै निकायले बुझाएको प्रतिवेदनमा प्रारम्भिक भनिएको उनले बताए। नेपाल चार्टड एकाउन्टेडको प्रारम्भिक प्रतिवेदनअनुसार ५१ करोड बढी खर्च भएको देखिएको उनले बताए। रंगशाला निर्माणमा लागेको ऋणको विषयमा भने मन्त्रालयले अध्ययन गरिरहेको उनको भनाइ छ।

‘प्रारम्भिक रुपमा ५१ करोडभन्दा केही बढी खर्च भएको देखिन्छ। वित्तीय प्रगति हेर्न बाँकी छ। ऋण कति रहेछ भनेर स्वतन्त्र अडिटले तयार गर्ने प्रतिवेदनसँग भिडाउन बाँकी छ’, उनले भने, ‘छिटो गरौँ भनेको भएर प्रारम्भिक प्रतिवेदन मन्त्रालयमा पठाइहाल्यौँ। ऋणलगायतका कुरा निकाल्न बाँकी छ।’

बाँकी कामको विषयमा सरकारले नै निर्णय गर्न सक्ने उनले बताए।

अनुमानित तीन अर्ब लागतको रंगशाला निर्माण गर्दा हालसम्म ५४ करोडभन्दा बढी खर्च भइसकेको फाउण्डेशनका अध्यक्ष सिताराम कट्टेल धुर्मुसको दाबी छ। ५४ करोडमा १७ करोडजति त ऋण नै रहेको उनले बताए। फाउण्डेशनले महानगरलाई स्वामित्व ग्रहण गरिदिन भनेर लेखेको पत्रमा रंगशालाको भौतिक प्रगति ३५ प्रतिशत छ।

रामपुरमा ३० हजार क्षमताको रंगशाला निर्माण गर्न भरतपुर महानगरपालिका र फाउण्डेशनबीच १६ माघ २०७५ मा सहमतिपत्रमा हस्ताक्षर भएको हो। जनस्तरबाट आर्थिक संकलन गरेर रंगशाला निर्माण गर्ने फाउण्डेशनको योजना थियो। यसबीचमा सिर्जित कोरोना महामारीका कारण पर्याप्त आर्थिक संकलन हुन सकेन।

रंगशाला बनाउन महानगरले कृषि तथा वन विज्ञान विश्वविद्यालय रामपुरसँग २० बिघा ६ कठ्ठा जग्गा लिएको हो। सहमतिपत्रमा हस्ताक्षर भएको दुई वर्षभित्र रंगशाला निर्माण सम्पन्न हुने बताइएको थियो।

फाउण्डेशनका अनुसार रंगशालामा तीन हजार दर्शकले बसेर खेल हेर्न मिल्ने प्याराफिट बनिसकेको छ। मैदान पनि तयार भइसकेको छ। रंगशालाको लागि ४० हजार जनाभन्दा बढीले आर्थिक सहयोग गरेको फाउण्डेशनले बताएको छ।
–कुलप्रसाद काफ्ले (न्युज कारखाना)

5 Views

ताजा

भारतमा हावाको वेग झैं फैलियो कोभिड

२०७८ पुष २९ गते, बिहीबार

भारतमा हावाको वेग झैं फैलियो कोभिड

२०७८ पुष २९ गते, बिहीबार

एक हप्तामै १० हजार सङ्क्रमित

२०७८ पुष २९ गते, बिहीबार

चितवन क्रिकेट रंगशालाको प्रारम्भिक प्रतिवेदनः भौतिक प्रगति १४ प्रतिशत, ५१ करोड खर्च

२०७८ पुष २८ गते, बुधबार

भक्तपुरका ६ हजार विद्यार्थीले लगाए मोडर्ना खोप

२०७८ पुष २८ गते, बुधबार

आधा युरोप केही हप्तामा ओमिक्रोनबाट सङ्क्रमित हुनेछः विश्व स्वास्थ्य संगठन

२०७८ पुष २८ गते, बुधबार

आजबाट उपत्यकामा स्मार्ट लकडाउन

२०७८ पुष २८ गते, बुधबार

आजदेखि उपत्यकाका बालबालिकालाई कोभिडविरुद्धको खोप

२०७८ पुष २७ गते, मंगलवार

आधारभूत र माध्यमिक तहका विद्यालय आजदेखि बन्द

२०७८ पुष २७ गते, मंगलवार

आज ३०० औं पृथ्वी जयन्ती, विभिन्न कार्यक्रम गरि मनाइँदै

२०७८ पुष २७ गते, मंगलवार

सार्वजनिक स्थलमा २५ जनाभन्दा बढी भेला हुन रोक

२०७८ पुष २५ गते, आईतवार

लोकप्रिय

दाजुद्वारा भाईको कफीशप उद्घाटन

२०७८ पुष १९ गते, सोमबार
२९ गते नेपाल बन्द हुँदै

पेट्रोलियम पदार्थको मूल्यवृद्धिविरुद्ध ३० गते नेपाल बन्द

२०७८ कार्तिक २६ गते, शुक्रबार

सुरजवीर बज्राचार्यको नयाँ गीत ‘हाकुमैंचा’ सार्वजनिक (गीतसहित)

२०७८ भाद्र ६ गते, आईतवार

जेफ बेजोसले आज अंतरिक्षको उडान भर्ने, यो यात्रामा के–के होला

२०७८ श्रावण ५ गते, मंगलवार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

खुशीकाे खबर ! ३३ करोडको आईपीओ निष्कासन हुँदै, अब पैसा जम्मा गर्नुहाेस् ।

२०७८ असार २४ गते, बिहीबार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

यूनियन लाइफ इन्स्योरेन्सको आईपीओमा कति पर्यो आवेदन ?

२०७८ असार २४ गते, बिहीबार

कहिले हुँदैछ मैलुङखोला जलविद्युतको आइपीओ निष्कासन ? जान्नुहोस

२०७८ असार २४ गते, बिहीबार

2020 Copyrights Reserved at dnfkhabar.com

Designed & Developed By Web House Nepal