काठमाडौं । सुविन्द्र गिरीद्वारा लिखित ‘हलेसी सरोफेरो’ नामक पुस्तक १५ हजार भन्दा बढी बिक्री भइसकेको छ । लेखक गिरीले यस अनलाइनलाई बताए अनुसार वर्षमा तीनपटकसम्म ‘रिप्रिन्ट’ गरिएको सो पुस्तक ६ वर्षमा १५ हजार बिक्री भइसकेको जानकारी दिए ।
गिरीका अनुसार पुस्तक किन्ने १५ हजार जनाले त पढिसके’ पुस्तक किन्नेमार्फत अन्यले पनि त किताब पढे होलान् नि होइन र ? ’ ०७२ मा प्रथमपटक प्रकाशित किताबले लगानी फिर्ता गरिसकेको समेत गिरीले बताए छ ।
किताबमा हलेसीलगायत आसपासको गन्तव्यको आधारभूत जानकारी दिइएको बताउँदै उनले भने– ‘मेरो किताब प्रकाशन भइसकेपछि हलेसी क्षेत्रकै कतिपयले गाउ ठाउँकै गन्तव्यबारे जानकारी पाएको बताए,’ उनले सुनाए, ‘माल्खुमा रहेको ककनी पुग्ने बौद्ध धर्मावलम्बीमात्रै हुन्थे । किताब प्रकाशित भएपछि अन्य पनि जान थालेका छन् । सत्यश्वर र गुप्तेश्वरसम्म पुग्ने बढ्दै छन् ।’
तीन महिना लगाएर तयार पारिएको किताब सर्वाधिक बिक्री भएको लेखकको स्वीकारोक्ति छ । डेढ सय प्रति किताब निःशुल्क वितरण गरेको उनको भनाइ छ ।
हलेसी प्रतिष्ठानका पूर्वअध्यक्षसमेत रहेका गिरीको ‘पूर्वको पशुपति हलेसी’ नामक किताब प्रकाशित छ ।