काठमाडौं । फलफुलको राजा मानिने किवीबाट उत्पादन गरिएको प्रिन्सेस वाइन अहिले चारवटा प्रदेशसम्म पुगिसकेको छ । माउण्ट एभरेष्ट वाइनरी प्रालिद्वारा उत्पादित यो वाइन अहिले बागमती, गण्डकी, प्रदेश नं. १ र २ नं. प्रदेशमा पुगिसकेको उत्पादकले जनाएको छ । यी प्रदेशका प्रमुख शहरका साथै भित्री बजारमा समेत यो वाइन पुगिसकेको कम्पनीको भनाई रहेको छ । कम्पनीले शुक्रबार चितवनको भरतपुर गार्डेन रिसोर्टमा वाइनको लन्च गरेको छ ।
यो वाइनमा ११.५ प्रतिशत अल्कोहल रहेको छ । चिसो हावापानी र उपयुक्त वातावरण फलेको किवीलाई प्रशोधन गरी वाइन तयार पारिएको छ । वाइन पारखीको लागि यो विल्कुलै फरक स्वादमा बजारमा आएको छ । उपभोक्ताहरुले अत्यन्तै मनपराएको यो वाइन अब आगामी दिनमा देशैभर पु¥याउने कम्पनीको दाबी रहेको छ । धनकुटाको चौविसे गाउँपालिका वडा नं. ६ राजारानीमा अत्याधुनिक प्रविधिको प्रयोग गरी यसको उद्योग स्थापना गरिएको छ । अरु वाइन भन्दा सस्तो मूल्यमा आफूहरुले उत्पादन गरेको र उपभोक्ताहरुको मन जित्दै गरेको प्रालिको दावी रहेको छ ।