काठमाडौं । रसुवा जिल्लाको थाम्बुजित–१ मा जन्मिएकी सबिता श्रेष्ठ सानैदेखि मोडलिङ क्षेत्रमा रुचि राख्दथिन् । बुवा शङ्कर श्रेष्ठ र आमा नोर्साङ घलेको कोखबाट जन्मिएकी सबिताले कक्षा १२ उतिर्ण गरेपछि रोजगारीको सिलसिलामा बिदेशी मुलुक साइप्रस लागिन् ।

करिब ५ बर्षको बसाइँ पछि हाल नेपालमा छुट्टी मनाउन आएकी सबिता यतिखेर म्युजिक भिडियो मोडलिङमा ब्यस्त छिन् । सानैदेखिको रहर पूरा हुँदै गएकोछ भन्छिन सबिता,केहिदिन अघिमात्र एक सामाजिक म्युजिक भिडियो खेलेकी सबिता अहिले निर्देशक एन्टिनाको दुई वटा भिडियोमा अनुबन्ध भइसकेकी छिन्। उनी भन्छिन–छुट्टी मनाउन आएको तर यता नै धेरै ब्यस्त हुन पुगेछु मलाइ आफ्नै मातृभूमि फापिरहेको छ।