काठमाडौं । सार्बजनिक यातायात महासंघका अध्यक्ष डोलनाथ खनालको नेतृत्वले आज बानेश्वरस्थित यातायात बिभाग घेराउ गरेको छ ।
सार्बजनिक यातायात क्षेत्रमा कार्यरत मजदुर तथा कर्मचारीहरुलाई कोभिड–१९ खोप लगाउनु पर्ने, २०६५ को बैज्ञानिक भाडा निति अनुसार भाडा वृद्धि गर्नु पर्ने, मौद्रिक नितिमा यातायातलाई समायोजन गरि बैक ब्याज छुट गर्नू पर्ने, बिभिन्न राजनीतिक आन्दोलन , लामो जनयुद्धका कारण ले सञ्चालन नभएर पनि २० बर्षे अबधि पुरा भएका सवारी साधनको ५ बर्ष म्याद पुनः थप गर्नु पर्ने, लकडाउनको अबधिभरको बिमा अबधिलाई समायोजन गर्नु पर्ने, सडक ऐन कानुन संशोधन एक आपसमा बाँझिदा लाइसेन्स नवीकरणमा देखिएको समस्या दुर्घटना जोखिम ट्राफिक जरिबाना तथा कारबाही सडक सुरक्षा निति पारदर्शी नभएकोले प्राबिधिक समेत प्रयोग गरि सडक सुधार सहित कार्यान्वयनको माग गर्दै विभाग घेराउ गरेको कार्यक्रममा सहभागि धर्मराज रिमालले यस डीएन एफ अनलाइनलाई बताउनु भयो । कोभिडका कारण अनि भाडा वृद्धि नभएकाले यातायात ब्यबसायी तथा मजदुरहरुको जिबिकोपार्जन गर्न समेत अफ्ठ्यारो परेकोले आन्दोलन गर्न बाध्य भएको बताउँदै माग पुरा नभए यातायात सञ्चानन नगर्ने समेत अध्यक्ष खनालले बताउनु भयो ।