राजपा ब्युँताउने खेलमा ठाकुर पक्ष

२०७८ जेष्ठ १३ गते, बिहीबार

काठमाडौं । जनता समाज पार्टी (जसपा) कार्यकारिणी समितिमा बहुमत पुर्‍याउन नसके राष्ट्रिय जनता पार्टी (राजपा) नेपाल ब्युँताउने रणनीतिमा महन्थ ठाकुर–राजेन्द्र महतो पक्ष जुटेको छ। ठाकुर पक्षका नेताहरू सकेसम्म कार्यकारिणीमा बहुमत जुटाउन प्रयास गर्ने, नसके राजपा ब्युँताउने आन्तरिक तयारीमा जुटेका हुन्।

कार्यकारिणीमा बहुमत जुटाउन सो पक्षले नेता अशोक राईसँग गम्भीर चरणको कुराकानी गर्ने भएका छन्। कार्यकारिणीमा राई र उनीनिकट चार सदस्य छन्। ती चारजनालाई आफ्नो पक्षमा ल्याउन सके कार्यकारिणीमा बहुमत पुग्ने आँकलन ठाकुर पक्षको छ। एकदुई चरण राईसँग कुराकानी भइसकेको ठाकुर पक्षका एक नेताले दाबी गरे। राईनिकट सांसद रेणुका गुरुङ कित्ता परिवर्तन गरेर ठाकुर पक्षमा पुगेकी छन्।
संसदीय दलमा ठाकुर पक्ष बहुमतमा छ। संसद् विघटन भएको अवस्थामा कार्यकारिणीमा बहुमत जुटाउन दुवै पक्षको हानथाप सुरु भएको हो। अहिले कार्यकारिणीमा उपेन्द्र यादव पक्ष बहुमतमा छ। ठाकुर पक्षका तीनजना कार्यकारिणी समितिका सदस्यहरू महेन्द्र यादव, गजाधार यादव र रमेश यादव कित्ता परिवर्तन गरी उपेन्द्र पक्षमा पुगेपछि कार्यकारिणीमा यादव पक्ष बहुमतमा रहन सफल भएको हो।
तर भित्रभित्रै यादव पक्षका एकदुईजना कार्यकारिणी समितिका सदस्यहरू आफ्नो पक्षमा आइसकेको ठाकुरनिकट नेताहरूको दाबी छ। ठाकुर पक्षका एक नेताले भने, ‘जसरी संसदीय दलमा पाँचजना सांसदले कित्ता परिवर्तन गरे, त्यसरी नै कार्यकारिणीमा पनि चारदेखि पाँच सदस्यले कित्ता परिवर्तन गर्दैछन्।’ ठाकुरनिकट नेता डा।सुरेन्द्र झाले पहिलो अध्यक्ष रहेका ठाकुर पार्टीका सबै निकायमा बहुमत र शक्तिशाली रहेको दाबी गरे।
‘पूर्वराजपा ब्युँझाउनेबारे पूर्वराजपाका नेताहरूले छलफल गरेका छन्। कार्यकारिणीमा जसले बहुमत जुटाउँछ, उसको पक्षमा जनता समाजवादी पार्टी नाम र छाता चुनाव चिह्न जानेछ,’ स्रोतले भन्यो, ‘पार्टीको नामभन्दा पनि चुनाव चिह्नको माया पूर्वराजपाका नेताहरूलाई छ। पोहर पूर्व राजपा र पूर्वसमाजवादीबीच एकीकरण गर्दा छाता चुनाव चिह्न राख्ने सहमति गरिएको थियो।
२०७७ वैशाख १० गते पूर्वराजपा र पूर्वसमाजवादीबीच एकीकरण भएको थियो। त्यसको जानकारी गत असारमा गराइएको थियो। पार्टी एकीकरण भएको एक वर्षसम्म एकीकरणअघिको पार्टीको नाम कसैले दर्ता गर्न नपाउने कानुनी व्यवस्था छ। त्यसैले असारमा राजपा ब्युँझाउन सक्ने सम्भावना रहेको ठाकुरनिकट नेताहरू बताउँछन्। यो समाचार आजको नागरिक दैनिकमा छ ।

380 Views

ताजा

सुदूरपश्चिमबाट मा‌ओवादी निल

२०७९ मंसिर ९ गते, शुक्रबार

सुदूरपश्चिमबाट मा‌ओवादी निल

२०७९ मंसिर ९ गते, शुक्रबार

प्रतिनिधिसभामा समानुपातिकतर्फ कुन दलको कति मत ?

२०७९ मंसिर ९ गते, शुक्रबार

गुल्मीबाट–१ बाट भण्डारीको ‘कमब्याक’

२०७९ मंसिर ९ गते, शुक्रबार

चितवन ३ मा विक्रम पाण्डे अघि बढ्दै

२०७९ मंसिर ९ गते, शुक्रबार

काभ्रे–२ मा गोकुल बाँस्कोटाको जित निश्चित

२०७९ मंसिर ९ गते, शुक्रबार

बाँके– ३ बाट कांग्रेसका किशोरसिंह राठौर भारी मतले विजयी

२०७९ मंसिर ८ गते, बिहीबार

स्वतन्त्र पार्टी राजावादी भएको खगेन्द्र संग्रोलाको आरोप

२०७९ मंसिर ८ गते, बिहीबार

दाङ–(२) बाट कांग्रेसका प्रचण्ड विक्रम न्यौपाने (गुन्टु)को ऐतिहासिक विजयी

२०७९ मंसिर ८ गते, बिहीबार

ललितपुर–३ बाट राष्ट्रिय स्वतन्त्र पार्टीकी तोसिमा कार्की विजयी

२०७९ मंसिर ८ गते, बिहीबार

बर्दिया–२ (क) मा कांग्रेसका जन्मजय तिमिल्सेना विजयी

२०७९ मंसिर ८ गते, बिहीबार

लोकप्रिय

भाईरल बरिशा, हिरोईन रश्मिकाले भेट्न आउने ईच्छा ब्यक्त गरेपछी….

२०७९ आश्विन ४ गते, मंगलवार

यी हुन् आमा-छोरा झट्ट हेर्दा दिदीभाइ जस्ता तर सँगै स्कुल ।

२०७९ आश्विन २ गते, आईतवार

भूमाफियाहरुको सातो खाएका काठमाडौँका मेयरले गरे अर्को कमालको काम….

२०७९ आश्विन २ गते, आईतवार

बालेन ले बाबुरामलाइ दिए मुखभरीको जवाफ भने हजारौंको घर भ,त्काएर फुटपाथ बनाउँदा सोच्न पर्थ्यो नि ।”

२०७९ आश्विन १ गते, शनिबार

गायिकामाथि जापानमा दोहोरी सञ्चालकले गरे दुर्व्यवहार 

२०७९ भाद्र २९ गते, बुधबार

नेकपा( एकीकृत समाजवादी )को निकट सहकारी संगठन समाजवादी सहकारी संगठन नेपाल घोषणा

२०७९ भाद्र २९ गते, बुधबार

हर्क साम्पाङ् भन्छन् : ७ सय ५३ पालिकामध्ये सबैभन्दा भाग्यमानी मै हो

२०७९ भाद्र १९ गते, आईतवार

लायन्स क्लब अफ काठमाण्डौ नयाबजार विभिन्न बिधामा सम्मान्नित

२०७९ श्रावण २१ गते, शनिबार

शिक्षकले कक्षाकोठामै काटिदिए विद्यार्थीकाे कपाल

२०७९ असार २८ गते, मंगलवार

2020 Copyrights Reserved at dnfkhabar.com

Designed & Developed By Web House Nepal