काठमाडौं ।

तारकेश्वर १ स्थित साङ्ला प्राथमिक स्वास्थ्य केन्द्रमा जेठ ३ गतेबाट आइसोलेशन सञ्चालनमा आउने भएको छ ।

नगर प्रमुख रामेश्वर बोहोराले एक विज्ञप्ति निकाल्दै कोरोना महामारीमा सबैलाई सहयोग गर्न आग्रह गरेका छन् । नगर प्रमुखद्वारा निकालिएको विज्ञप्तिमा तारकेश्वर १ स्थित साङ्ला प्राथमिक स्वास्थ्य केन्द्रमा जेठ ३ गतेबाट आइसोलेशन सञ्चालन गर्नका लागि अक्सीजन सिलिण्डर सहयोग गर्न नगरबासी, संघ–संस्था र राजनीतिक दलहरुलाई आग्रह गरेका छन् ।

महामारीमा नगरभित्रका व्यवसायी, उद्योगी, नीजि शैक्षिक संस्था, नेपाल सरकारका माथिल्लो तहका कर्मचारीहरु र समाजसेवीहरुले सङ्कटको बेलामा नगरपालिकालाई सहयोग गर्न अपिल समेत गरेका छन ।
यस्तो महामारीमा नगरभित्रका व्यवसायी, उद्योगी, नीजि शैक्षिक संस्था, नेपाल सरकारका माथिल्लो तहका कर्मचारीहरु र समाजसेवीहरुले सङ्कटको बेलामा नगरपालिकालाई सहयोग गर्न आवश्यक छ । तपाईको एउटा सानो सहयोगले अक्सीजन अभाव भएका कोरोना संक्रमितको ज्यान बच्नेछ । त्यसकारण तारकेश्वरभित्रका बैंक, वित्तिय संस्थाहरुले पनि सहयोग गर्न सक्नुहुनेछ ।