ओलीले नैतिकताको आधारमा राजीनामा दिनुपर्छः जसपा नेता श्रेष्ठ

२०७७ चैत्र २२ गते, आईतवार

ललितपुर । जनता समाजवादी पार्टी, नेपालका नेता राजेन्द्र श्रेष्ठले प्रधानमन्त्री केपी शर्मा ओलीले दिएको आश्वासन टाट पल्टेको व्यापारीले दिएको बाउन्स चेक जस्तै भएको बताएका छन् । जनता समाजवादी पार्टीको शिल्पी विशेष प्रदेश समितिको आयोजनामा भएको प्रशिक्षण कार्यक्रमा उनले ओली सरकारको उल्टो दिनगन्ती सुरु भएको बताउँदै भने, ‘अहिलेको परिस्थितिमा ओलीले दिएको आश्वासन टाट पल्टे​को व्यापारीले दिएको बाउन्स चेक जस्तै हो । यसमा फस्नु हुँदैन ।’
श्रेष्ठले प्रतिनिधिसभा पुनःस्थापनापछि प्रधानमन्त्री एकपटक पनि प्रतिनिधिसभाको बैठक कक्षमा प्रवेश नगरेको भन्दै हिउँदे अधिवेशनको मुख्य काम विधेयक पारित गर्नु भएता पनि सरकारले आजसम्म एउटा विधेयक पनि प्रतिनिधिसभामा प्रस्तुत नगरेको बताए ।
उनले भने ‘सरकारले संसदका विभिन्न समितिहरूले पठाएको विधेयक रोकी राख्ने अनि पुनःस्थापित संसदले प्रभावकारी काम गर्न सकेन भन्दै भ्रम छर्नु जो चोर उसैको ठूलो स्वर भनेजस्तो भयो ।’ आफूले असंवैधानिक रूपमा प्रतिनिधिसभाको विघटनका लागि चालेको कदम ठीक छ भन्ने जनतामा सन्देश दिन प्रधानमन्त्रीले प्रतिनिधिसभाका समितिहरूले प्रतिवेदनसहित पठाएका विधेयकहरु हाउसमा प्रस्तुत नगरेकोमा आक्रोश पोखे । उनले भने, ‘प्रधानमन्त्रीमा संसदको सामना गर्ने हिम्मत देखिएन । त्यसैले उनले नैतिकताको आधारमा राजीनामा गर्नु पर्छ ।’
पार्टीको कार्यकारिणी सदस्य रहेका नेता श्रेष्ठले नेपालमा सङ्घीयता, गणतन्त्र, धर्मनिरपेक्षता, समानुपातिक समावेशीकरणजस्ता युगान्तकारी परिवर्तनका क्षेत्रहरूमा प्राप्त सीमित उपलब्धिहरू पनि ओली शासनमा धरापमा परेको बताए ।अहिलेको प्राप्त उपलब्धिहरूको रक्षा गर्दै थप उपलब्धिहरू प्राप्त गर्नु पार्टीको मुख्य प्राथमिकता भएको उनको भनाइ छ । ओलीले वार्तालाई आफ्नो कुर्सी जोगाउने अस्त्रकोरूपमा प्रयोग गर्ने गरेको श्रेष्ठको आरोप छ ।

ओलीले पटकपटक आश्वासन दिँदै धोका दिने गरेको श्रेष्ठले बताए । नेपाली काँग्रेसले भर्खरै ओली सरकारको विकल्प दिन पहलकदमी लिने भनेर गरेको निर्णय सकारात्मक भएको बताए । सांसद श्रेष्ठले ओलीमा बोल्नेमा शिरोमणि काममा कछुवा जस्तो भन्दै सय वर्षपछि हुने कुरा पनि अहिले नै बोलेर मैले त उहिल्यै भनेको थिएँ भन्दै हिँड्ने प्रवृत्ति रहेको विश्लेषण गरे ।
उनले भने ‘ओली आश्वासन शिरोमणि मात्र नभई शिलान्यास र उद्घाटन शिरोमणि पनि हुन् ।’
श्रेष्ठले नेपालमा शिल्पी विशेष प्रदेशको संरचना कस्तो हुन्छ भन्ने सन्दर्भमा गैरभौगोलक सङ्घीयताको अन्तर्राष्ट्रिय अनुभवहरू र नेपालमा राज्य पुनर्संरचना उच्चस्तरीय सुझाव आयोगको १० जोड १ को प्रादेशिक संरचनासम्बन्धी प्रस्ताव र जनता समाजवादी पार्टीको घोषणापत्र र विधानले गरेको व्यवस्थाबारे प्रशिक्षणात्मक मन्तव्य तथा प्रश्नोत्तरको क्रममा स्पष्ट पारे ।
देशमा एक वैचारिक नेताको छवि बनाएका श्रेष्ठले नेपालमा सङ्घीयता, सुशासन र समृद्धिसहितको समाजवाद आवश्यक रहेको बताउँदै मानिसले मानिसलाई गर्ने सबैखाले शोषण उत्पीडनबाट जनतालाई मुक्त गर्नका लागि पार्टीले समुन्नत सङ्घीय समाजवादको सैद्धान्तिक अवधारणा अगाडि सारेको बताए ।
उनले वर्तमान प्रशासनिक सङ्घीयताबाट पहिचानसहितको समुन्नत सङ्घीयता र बहुराष्ट्रिय राज्य सुहाउँदो समाजवादको खोजीको क्रममा नै जसपाले समुन्नत सङ्घीय समाजवादलाई पार्टीको मौलिक सिद्धान्तको रूपमा ग्रहण गरेको बताए ।
शिल्पी विशेष प्रदेश समितिका अध्यक्ष दलमर्दन कामीको अध्यक्षतामा भएको उक्त कार्यक्रममा पार्टी कार्यकारिणी समिति सदस्य दानवहादुर विश्वकर्मा, केन्द्रीय सदस्यहरू राजन केसी, कमला हेमचुरी, कृष्ण घलान लगायतले पनि आफ्नो मन्तव्य दिएका थिए ।
पार्टी केन्द्रीय सदस्य तथा ३ नं प्रदेशका उपाध्यक्ष न्हुच्छेलाल महर्जनको पनि उपस्थिति रहेको उक्त कार्यक्रमको सञ्चालन डि वि नेपालीले गरेको थिए ।

289 Views

ताजा

विविध कार्यक्रम गरी सातौँ संविधान दिवस मनाइँदै

२०७८ आश्विन ३ गते, आईतवार

विविध कार्यक्रम गरी सातौँ संविधान दिवस मनाइँदै

२०७८ आश्विन ३ गते, आईतवार

बिस्तारै उठ्दै छ बाढीले बगाएको मनाङ

२०७८ आश्विन ३ गते, आईतवार

वर्षा र सहकालका देवता देवराज इन्द्रको पूजा–आराधना गरी इन्द्रजात्रा पर्व मनाइँदै

२०७८ आश्विन ३ गते, आईतवार

संविधानको सफल कार्यान्वयन गर्न सरकार दृढ छः प्रधानमन्त्री देउवा

२०७८ आश्विन ३ गते, आईतवार

संविधानअन्तर्गत नेपालको सार्वभौमसत्ता नेपाली जनतामा निहितः राष्ट्रपति

२०७८ आश्विन ३ गते, आईतवार

भरतमणि बने कमेडी च्याम्पियन सिजन–२ को विजेता

२०७८ आश्विन ३ गते, आईतवार

देउवा असफल भएः कोइराला

२०७८ आश्विन २ गते, शनिबार

बराल अनेरास्ववियूको अध्यक्ष

२०७८ आश्विन २ गते, शनिबार

प्रधानमन्त्री देउवा निकम्मा सावित भएः डा. सुन्दरमणि दिक्षित

२०७८ आश्विन २ गते, शनिबार

राष्ट्रपति विद्यादेवी भण्डारीद्वारा ५२३ कैदीको सजाय मिनाहा

२०७८ आश्विन २ गते, शनिबार

लोकप्रिय

सुरजवीर बज्राचार्यको नयाँ गीत ‘हाकुमैंचा’ सार्वजनिक (गीतसहित)

२०७८ भाद्र ६ गते, आईतवार

जेफ बेजोसले आज अंतरिक्षको उडान भर्ने, यो यात्रामा के–के होला

२०७८ श्रावण ५ गते, मंगलवार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

खुशीकाे खबर ! ३३ करोडको आईपीओ निष्कासन हुँदै, अब पैसा जम्मा गर्नुहाेस् ।

२०७८ असार २४ गते, बिहीबार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

यूनियन लाइफ इन्स्योरेन्सको आईपीओमा कति पर्यो आवेदन ?

२०७८ असार २४ गते, बिहीबार

कहिले हुँदैछ मैलुङखोला जलविद्युतको आइपीओ निष्कासन ? जान्नुहोस

२०७८ असार २४ गते, बिहीबार

फेरि माछापुच्छ्रे बैंक लिमिटेडले सबैलाई पुग्निगरी ३० कित्ता असार ३१ गतेबाट निष्काशन

२०७८ असार २३ गते, बुधबार

बिहीबारदेखि युनियन लाइफको साधारण सेयर बिक्री खुल्ला, कति दिन पाइन्छ आवेदन ?

२०७८ असार २३ गते, बुधबार

2020 Copyrights Reserved at dnfkhabar.com

Designed & Developed By Web House Nepal