शीर्ष स्थानमा मिलानको पकड बलियो
२०७७ फाल्गुन २५ गते, मंगलवार
एजेन्सी
एटलान्टालाई पराजित गर्दै इन्टर मिलानले इटालियन सिरिए ए को शीर्ष स्थानमा आफ्नो पकड मजबुत बनाएको छ । स्क्रीनियारले दोस्रो हाफमा गरेको एक मात्र गोल खेलमा निर्णायक बन्यो । यो सिजन टोलीका लागि उनको यो तेस्रो गोल हो ।
जीतसँगै एन्टोनियो कोन्टेको टोलीले लिगको शीर्ष स्थानमा ६ अंकको अग्रता बनाएको छ । इन्टरले लिगमा खेलिएका पछिल्ला ७ खेलमा जीत हासिल गरेको छ । टोली सन् २०१० पछि पहिलोपटक लिग उपाधि जित्ने होडमा रहेको छ ।
उता, एटलान्टाको भने चार खेलको जीतको शृङ्खालामा पूर्णविराम लागेको छ । पराजयसँगै एटलान्टा एएस रोमाभन्दा एक अंकले पछि लिगको पाँचौ स्थानमा रहेको छ ।
211 Views