आदर्श सञ्चार सहकारीको अर्ध वार्षिक समिक्षा

२०७७ फाल्गुन १६ गते, आईतवार

२०८० सम्म गण्डकी प्रदेशकै उत्कृष्ट सञ्चारगृह बनाइने
बागलुङ ।सूचना र सञ्चारसंगै वित्तीय कारोबार गर्दै आइरहेको आदर्श सञ्चार सहकारी संस्था लिमिटेड बागलुङको अर्धवार्षिक समिक्षा तथा आगामी योजना सम्बन्धी छलफल कार्यक्रम शनिवार सम्पन्न भएको छ ।
संस्थाका संञ्चालक र लेखा समितिका पदाधिकारी तथा सदस्यहरु, सल्लाहकारहरु, उपसमितिका सदस्यहरु र कर्मचारीहरुको सहभागितामा सम्पन्न कार्यक्रममा आर्थिक वर्ष २०७७÷०७८ को अर्धवार्षिक अवस्था र आगामी योजनाका बारेमा छलफल भएको थियो ।
२०८० सालसम्म गण्डकी प्रदेशको उत्कृष्ट सहकारी संस्था तथा सवल सञ्चारगृहका रुपमा स्थापित गर्ने रणनीतिक योजनाका साथ अगाडि बढेको संस्थाले लक्ष्य अनुसार नै प्रगति गर्दै गएको सो अवसरमा जानकारी गराइएको थियो ।
कोरोना संक्रमणका कारण गत आर्थिक वर्षको अन्तिम र चालु आर्थिक वर्षको शुरुमा केही समस्या भए पनि संस्थाले १० वर्षे रणनीतिक योजना अनुसार नै वार्षिक रुपमा प्रगति गरेको र यस आर्थिक वर्षको ६ महिनामा लक्ष्य अनुसार नै काम गर्न सफल भएको संस्थाका अध्यक्ष हुमा कुमारी जि.सी.(अञ्जु) ले जानकारी दिनुभयो ।
संस्थाको रणनीतिक योजना अनुसार चालु आर्थिक वर्षको अन्त्यसम्म २ हजार ७ सय जना शेयर सदस्य, ५ करोड ८५ लाख शेयर पूँजि, ४० करोड वचत, ३८ करोड कर्जा लगानी र ५० करोड कुल सम्पत्ती पु¥याउने लक्ष्य लिएकोमा हाल २ हजार ५ सय जना शेयर सदस्य, ३३ करोड शेयर पूँजि, ३१ करोड कर्जा लगानी र ४० करोड कुल सम्पत्ती रहेको छ ।
संस्थाको रणनीतिक योजना अनुसार २०८० सालको असार मसान्तसम्ममा संस्थालाई गण्डकी प्रदेशको उत्कृष्ट सञ्चारगृहका रुपमा स्थापित गर्ने, ५ हजार भन्दा बढी शेयर सदस्य, १० करोड शेयर पूँजि, ८० करोड वचत, ७५ करोड कर्जा लगानी र १ अर्बको कुल सम्पत्ती पु¥याउने लक्ष्य रहेको अध्यक्ष जिसीले जानकारी दिनुभयो ।
सहकारीलाई व्यवस्थित रुपमा सञ्चालन गर्न तथा संस्थाको योजना र लक्ष्य पुरा गर्नका लागि सञ्चालक समिति, लेखा समिति, उपसमिति र कर्मचारीहरुको भूमिका प्रभावकारी हुनु पर्ने र त्यसका लागि शिक्षा, तालिम, समिक्षा, अन्तरक्रिया तथा छलफल कार्यक्रम निरन्तर आवश्यक रहेको जिसीको भनाइ छ ।
अर्धवार्षिक समिक्षाको उद्घाटन नेपाल बचत तथा ऋण केन्द्रीय सहकारी संघ
(नेफ्स्कुन) का सञ्चालक कमला गिरीले गर्नु भएको थियो । सो अवसरमा बोल्दै उहाँले सहकारी संस्थालाई प्रभावकारी रुपमा सञ्चालनका लागि नीति, विधि र प्रविधिको प्रयोगसंगै कर्मचारी र सञ्चालकहरुको सक्रियता आवश्यक रहेको बताउनुभयो । सञ्चालक र कर्मचारीले आफ्नो जिम्मेवारी सदैब बोध गर्न सकेमा मात्रै सहकारीहरुल्े लक्ष्य अनुसार प्रगति गर्न सक्ने भएकाले उनीहरुको क्षमता विकासका लागि संस्थाको योजना आवश्यक रहेको बताउनुभयो ।
कार्यक्रममा सिजना महिला बचत तथा ऋण सहकारी संस्था पोखराका अध्यक्ष पवित्रा के.सी, राष्ट्रिय सहकारी बैंक पोखरा शाखाका प्रमुख नरेश पाण्डे लगायतले मन्तव्य राख्नुभएको थियो ।
कार्यक्रममा आदर्श सञ्चार सहकारी संस्थाको वित्तीय लगायत समसामयिक अवस्था, र रणनीतिक योजना अनुसार यस आर्थिक वर्षका लक्ष्य तथा प्रगति र गर्नु पर्ने कामका विषयमा संस्थाका सम्पादक तथा राष्ट्रिय सहकारी बैंकका सञ्चालक राम बहादुर जिसीले सहजीकरण गर्नु भएको थियो ।
कार्यक्रम संस्थाका अध्यक्ष हुमा कुमारी जि.सी (अञ्जु)को अध्यक्षता, सल्लाहकार रुद्र महतको स्वागत तथा प्रबन्धक दिपकराज सापकोटाको सञ्चालनमासम्पन्न भएको थियो ।

246 Views

ताजा

अब नेपालीले भारतमा सीम कार्ड पाउने

२०८० फाल्गुन ८ गते, मंगलवार

अब नेपालीले भारतमा सीम कार्ड पाउने

२०८० फाल्गुन ८ गते, मंगलवार

सनातन हिन्दु हिन्दु राष्ट्रको अभियानलाई शशांकको पनि समर्थन

२०८० फाल्गुन ८ गते, मंगलवार

सिद्ध गुफामा डा। उपाध्यायको पुस्तक लोकार्पणसँगै एल्वम विमोचन

२०८० फाल्गुन ८ गते, मंगलवार

‘लघुवित्तको विकल्प छैन, बचाउन सबै लाग्नुपर्छ’ सांसद भगबती चौधरी

२०८० फाल्गुन ८ गते, मंगलवार

दोलखा केन्द्रबिन्दु भएर भूकम्प

२०८० फाल्गुन ८ गते, मंगलवार

साहित्यकार केशु विरहीको तेह्रथुमको साहित्यिक इतिहास नामक कृतिको लोकार्पण

२०८० फाल्गुन ७ गते, सोमबार

बालबालिका र किशोरकिशोरीका हरेक समस्याको समाधान बिना ‘अर्को विश्व’ सम्भव छैन

२०८० फाल्गुन ७ गते, सोमबार

विद्यार्थीहरूलाई यौन तथा प्रजनन स्वास्थ्य स्वास्थ्य सिकाउँदै सुरुवात

२०८० फाल्गुन ७ गते, सोमबार

शिवरात्रीको समयमा एक सातासम्म पशुपतिमा विश्वशान्ति महायज्ञ चल्दै

२०८० फाल्गुन ७ गते, सोमबार

आजदेखि कांग्रेस महासमिति बैठक

२०८० फाल्गुन ७ गते, सोमबार

लोकप्रिय

मेरो रहरले कलाकारिता क्षेत्रमा आएकी हुँ

२०८० मंसिर २९ गते, शुक्रबार

मनसुन लम्बियोः ‘धान नकाटौं, काटेको भए भित्र्याइहालौं’

२०८० आश्विन १५ गते, सोमबार

दलाल पूँजीपति वर्ग नै हाम्रो प्रमुख शत्रु हो

२०८० भाद्र २२ गते, शुक्रबार

शनिबार काठमाडौंका ५० भन्दा बढी ठाउँमा विद्युत् सेवा अवरुद्ध हुने

२०८० भाद्र १ गते, शुक्रबार

काठमाडौं महानगरपालिकाद्वारा खुल्ला दूध बेचबिखन, पानीपुरी, चटपटेमा रोक लगाउने तयारी

२०८० श्रावण २८ गते, आईतवार

राजकुमारको कृषि कथाः कर्म गर, सफलता पछिपछि आउँछ

२०८० असार २४ गते, आईतवार

१ लाख १ हजार १सय ११ रुपैया राशिको आदर्श पत्रकारिता पुरस्कार किशोर नेपाललाई

२०७९ चैत्र २४ गते, शुक्रबार

धनकुटा महोत्सवमा ३० जना घाइते

२०७९ माघ १५ गते, आईतवार

निर्मला कुर्मी प्रकरणः रुबी खानसहित केही अधिकारकर्मी पक्राउ

२०७९ माघ ९ गते, सोमबार

2020 Copyrights Reserved at dnfkhabar.com

Designed & Developed By Web House Nepal