प्रचण्ड र माधवको कपाली तमसुकका कारण नेकपा संकटमा पर्योः नेता अधिकारी

२०७७ फाल्गुन ६ गते, बिहीबार

बागलुङ । नेपाल कम्युनिष्ट पार्टी (नेकपा) का नेता खगराज अधिकारीले प्रचण्ड र माधव नेपालको कपाली तमसुकका कारण पार्टी संकटमा परेको बताउनु भएको छ । के.पी. ओलीलाई दुवै पदबाट बर्खास्त गरी एक जना प्रधानमन्त्री र अर्को पार्टी अध्यक्ष बन्ने कपाली तमसुक गरेका कारण पार्टी संकटमा परेको भन्दै नेता अधिकारीले पार्टीलाई विघटनमा लैजाने प्रचण्ड–माधवको षडयन्त्र चिरेर अगाडि बढ्न नेता कार्यकर्तालाई निर्देशन दिनुभयो ।
फागुन १५ गते पोखरामा हुने जनसभाको तयारीका लागि बुधवार बागलुङमा आयोजित तयारी भेलामा बोल्दै नेपाल कम्युनिष्ट पार्टी (नेकपा) ओली समुहका गण्डकी प्रदेश सहइन्चार्ज समेत रहेका नेता अधिकारीले वेमौसममा पदका लागि मरिहत्ते गर्नेहरुको षडयन्त्र आम जनतालाई जानकारी गराउनु पर्नेमा जोड दिनुभयो ।
प्रचण्डले केपी ओलीका विरुद्ध ल्याएको राजनीतिक प्रस्ताव नामको आरोप पत्र फिर्ता गरेर अगाडि बढ्न ओलीले राखेको प्रस्तावमा प्रचण्ड सहमत भए पनि माधव नेपाल सहमत नभएका कारण समस्या आएको उहाँको भनाइ थियो । पार्टी विघटन भए पनि हुन्छ, पद चाहिन्छ भन्ने मानसिकता भएकाहरुको बारेमा जनतालाई यथार्थ जानकारी गराउन आवश्यक रहेको अधिकारीको भनाइ थियो ।
पार्टी र सरकारलाई अन्यौलता, अस्थिरता र अकर्मण्यतामा पु¥याउनेहरुका आरोपहरुको खण्डन र राष्ट्रिय स्वाधिनताको रक्षा, ताजा जनादेश र विकासको निरन्तरताका लागि फागुन १५ गते प्रदेश स्तरीय जनसभाको आयोजना गरिएको भन्दै उहाँले सभा सफल पार्न सबै नेता कार्यकर्ता सक्रिय भएर लाग्न निर्देशन दिनुभयो ।
प्रधानमन्त्री केपी शर्मा ओलीको प्रमुख आतिथ्यतामा हुन लागेको जनसभामा १ लाख ३० हजार जनता पोखरामा उतार्ने गरी अभियान सञ्चालन गरिएको नेकपाका गण्डकी प्रदेश सचिव गोविन्द बहादुर नेपालीले जानकारी दिनुभयो ।
गण्डकी प्रदेशका ११ जिल्लाबाट नेता कार्यकर्तालाई सहभागि गराउने उद्देश्यका साथ आयोजित जनसभाका लागि जिल्ला जिल्लामा संयोजन समिति गठन गरी प्रचार अभियान सञ्चालन गरिएको उहाँको भनाइ छ ।
कार्यक्रममा पार्टीका केन्द्रीय सदस्य तथा जिल्ला सहइन्चार्ज मन कुमारी केसी जिसी, केन्द्रीय सदस्यहरु लिला बहादुर थापा र तुलसी अर्याल लगायतले पार्टीको प्रदेश स्तरीय सभा सफल पार्न सबै नेता कार्यकर्तालाई सक्रिय सहभागिताका लागि आव्हान गर्नु भएको थियो ।
जनसभा सम्पन्न गर्नका लागि बागलुङमा पार्टीका केन्द्रीय सदस्य तथा जिल्ला सइन्चार्ज मन कुमारी केसी जिसीको संयोजकत्वमा ६१ सदस्यीय मुल जनपरिचालन कमिटि गठन गरिएको छ ।
बागलुङबाट उक्त कार्यक्रममा ८ हजार जनालाई सहभागि गराउने गरी कार्ययोजना बनाइएको र सोही अनुसार ९ वटा कलष्टर निर्माण गरी केन्द्रीय सदस्य, प्रदेश सदस्य, जिल्ला सदस्य, जनप्रतिनिधि लगायत जनसंगठनका पदाधिकारीहरुलाई जिम्मेवारी तोकिएको जिल्ला कार्यालय सदस्य कृष्ण पाठकले जानकारी दिनुभयो ।
कार्यक्रम जिल्ला कार्यालय सदस्य पाठकको अध्यक्षता, जिल्ला सचिवालय सदस्य सावित्रा रानाको स्वागत र जिल्ला सदस्य दिपक गौतमको सञ्चालनमा सम्पन्न भएको थियो ।

232 Views

ताजा

सांसद एकनाथ ढकालद्वारा कोरियाली मन्त्रिसंँग भेट

२०८१ बैशाख १२ गते, बुधबार

सांसद एकनाथ ढकालद्वारा कोरियाली मन्त्रिसंँग भेट

२०८१ बैशाख १२ गते, बुधबार

‘गणतन्त्र गौरव’ बाट पूर्वराष्ट्रपति भण्डारी सम्मानित

२०८१ बैशाख १० गते, सोमबार

कतारका राजाको नेपाल भ्रमणमा भोलि सार्वजनिक बिदा

२०८१ बैशाख १० गते, सोमबार

हामी र हाम्रो कृति समाजको संयुक्त मुक्तक संग्रह विमोचन

२०८१ बैशाख ५ गते, बुधबार

गायिका एलिनाले कसिन सापकोटासँग लगनगाँठो

२०८१ बैशाख ५ गते, बुधबार

छ छक्का प्रहार गरेर विश्व हल्लाएका दीपेन्द्रको आईसीसी वरीयतामा छलाङ

२०८१ बैशाख ५ गते, बुधबार

पुरुष र पुरुषत्वसम्बन्धी स्रोत केन्द्रको उद्घाटन

२०८१ बैशाख ५ गते, बुधबार

सुशासन र विकास पार्टीको ‘एजेण्डा’ हुनुपर्छः महामन्त्री थापा

२०८१ बैशाख ४ गते, मंगलवार

काठमाडौं विश्वको दोस्रो प्रदुषित शहर

२०८१ बैशाख ४ गते, मंगलवार

बबिना भट्टराईको गजल ‘चञ्चल’ सार्वजानिक (भिडियो सहित)

२०८१ बैशाख ४ गते, मंगलवार

लोकप्रिय

‘स्वीकार’ अटिजम सन्देशमुलक म्युजिक भिडियो सार्वजानिक

२०८० चैत्र २२ गते, बिहीबार

मेरो रहरले कलाकारिता क्षेत्रमा आएकी हुँ

२०८० मंसिर २९ गते, शुक्रबार

मनसुन लम्बियोः ‘धान नकाटौं, काटेको भए भित्र्याइहालौं’

२०८० आश्विन १५ गते, सोमबार

दलाल पूँजीपति वर्ग नै हाम्रो प्रमुख शत्रु हो

२०८० भाद्र २२ गते, शुक्रबार

शनिबार काठमाडौंका ५० भन्दा बढी ठाउँमा विद्युत् सेवा अवरुद्ध हुने

२०८० भाद्र १ गते, शुक्रबार

काठमाडौं महानगरपालिकाद्वारा खुल्ला दूध बेचबिखन, पानीपुरी, चटपटेमा रोक लगाउने तयारी

२०८० श्रावण २८ गते, आईतवार

राजकुमारको कृषि कथाः कर्म गर, सफलता पछिपछि आउँछ

२०८० असार २४ गते, आईतवार

१ लाख १ हजार १सय ११ रुपैया राशिको आदर्श पत्रकारिता पुरस्कार किशोर नेपाललाई

२०७९ चैत्र २४ गते, शुक्रबार

धनकुटा महोत्सवमा ३० जना घाइते

२०७९ माघ १५ गते, आईतवार

2020 Copyrights Reserved at dnfkhabar.com

Designed & Developed By Web House Nepal