काठमाडौँ । ईप्लानेट प्रा.लिको सहकार्य जेनिथ इन्टरटेन्मेन्टको आयोजना रहेको ‘लिटिल मिस हेरिटेज नेपाल २०२१’ को ताज सुप्रिया कोइराला र सृष्टि जिसीले पहिरिएका छन् । सुप्रियाले सिनियर र सृष्टिले जुनियर तर्फको शीर्ष उपाधि चुमेका हुन् । प्रतियोगितामा जेसिका फुयाल भने पब्लिक भ्युअर च्वाइस हुन सफल भइन् ।
विद्यालयमा अध्ययनरत छात्राहरुमा केन्द्रीत सोही प्रतियोगितामा सुप्रिया सापकोटा ‘मिस टिन प्लानेट नेपाल २०२०’ छानिएकी छन् ।
नयाँ बानेश्वरस्थित मोजो ब्याङकवेटमा आयोजित शनिबार साँझ सम्पन्न प्रतियोगिताका शीर्ष विजेताले विभिन्न उपहार र बालबालिका सम्बन्धि अन्तर्राष्ट्रिय सौन्दर्य प्रतियोगितामा नेपालको तर्फबाट सहभागिता अवसर समेत प्राप्त गरेको आयोजक जेनिथका सिइयो विक्रमसिंह मैनालीले जानकारी दिए ।