भरतपुरको विकासले गति लिँदै

२०७७ फाल्गुन १ गते, शनिबार

चितवन । गाउँदेखि शहरसम्म मिलाएर बनेको भरतपुर महानगरपालिकाभित्र विकासका क्रियाकलप बढ्दै गएको छ । जनप्रतिनिधि आएसँगै सानादेखि ठूला परियोजना निर्माण हुन थालेपछि विकासका कामले गति लिएको हो ।

महानगरपालिका, वाग्मती प्रदेश सरकार र सङ्घीय सरकारका आयोजना यस महानगरमा सञ्चालनमा आएसँगै विकासका कामले गति लिएको हो । महानगरपालिकको अगुवाइमा प्रदेश र सङ्घीय सरकारको साथकै कारण महानगरमा ठूला आयोजना अघि बढेका हुन् । भरतपुरभित्र बन्दै गरेका र बन्ने तयारीमा रहेका एक दर्जनभन्दा बढी आयोजना रहेका छन् ।
गौतमबुद्ध अन्तर्राष्ट्रिय क्रिकेट रङ्गशाला, भरतपुर महानगर सिटी हल, पुल्चोक–गोन्द्राङ छ लेन सडक, नारायणी नदी किनार आयोजना, हुलाकी सडक, उद्योग ग्राम, चौबीसकोठी–मेघौली सडक, रिङरोड र लिङ्क रोडको काम धमाधम भइरहेको छ । यस्तै नारायणगढको लायन्सचोकमा बहुउद्देश्यीय भवन, भरतपुर विमानस्थल विस्तार, स्मार्ट सडक बत्तीजस्ता परियोजना सञ्चालनको तयारीमा रहेका छन् ।
महानगर प्रमुख रेनु दाहालका अनुसार क्रिकेट रङ्गशालाका लागि महानगरकै पहलमा जग्गा खोजी गरी काम तीव्र गतिमा अघि बढिरहेको छ । धुर्मुस–सुन्तली फाउण्डेशनले निर्माणको काम अघि बढाएको हो । यस परियोजना सम्पन्न भएसँगै अन्तर्राष्ट्रियस्तरका खेल यहाँ हुनेछन् । जुन नेपालको महत्वपूर्ण परियोजना मध्येको एक बन्ने दाहालको भनाइ छ । यो आयोजनाको निर्माणको काम रातदिन भइरहेको छ ।
भरतपुर महानगरपालिकाको वडा नं १ र ३ को नारायणी नदी किनारालाई ‘सी बीच मोडेल’ मा विकास गरी स्वदेशी तथा विदेशी पर्यटक आकर्षण गरी आर्थिक क्रियाकलापमा वृद्धि गर्ने गरी काम अगाडि बढाइएको छ । दाहालका अनुसार गत आर्थिक वर्षमा महानगरबाट रु एक करोड रकम खर्च भई फुटपाथ बनेको थियो । यस आर्थिक वर्षमा पर्यटन मन्त्रालयबाट करिब रु सात करोडको बोलपत्र आह्वान भइसकेको छ । यससँगै यस क्षेत्रमा आन्तरिक र बाह्य पर्यटक प्रवद्र्धनमा महत्वपूर्ण योगदान पुग्नेछ ।
यस्तै भरतपुर महानगरपालिका–११ को गणेशस्थानलाई गणेशधामका रुपमा विकास गर्ने काम धमाधम भइरहेको छ । उक्त ठाउँमा पानी पोखरी, मन्दिर, पार्कलगायतका संरचना बन्नेछन् । धार्मिक पर्यटकीय क्षेत्रका रुपमा यसलाई विकास गर्न लागिएको प्रमुख दाहालले बताइन् । वाइपास सडक किनारमा सिटीहल निर्माणको काम धमाधम भइरहेको छ । सङ्घीय सरकारको रु ७७ करोड ७७ लाख बजेटमा सघन शहरी तथा भवन आयोजनाबाट ठेक्का सम्झौता भई निर्माण कार्य भइरहेको हो । महानगरकै पहलमा जिल्ला समन्वय समितिको जमिन महानगरको नाममा ल्याएर काम अगाडि बढाइएको दाहालले जानकारी दिइन् । उनले भन्,ि “हाम्रो तेस्रो प्रयासपछि महत्वपूर्ण आयोजना अघि बढेको छ । यसले सिङ्गो चितवनको विकासमा टेवा पुग्नेछ ।” सँगै रहेको वाइपास सडक पनि विस्तारको काम भइरहेको छ ।
भरतपुर महानगर क्षेत्रमा पर्ने पूर्वपश्चिम राजमार्गलाई आकर्षक छ लेन सडक बनाइँदै छ । नारायणगढको पुल्चोकदेखि गोन्द्राङसम्म सडक विस्तार गर्न रु एक अर्ब १२ करोडको ठेक्का सम्झौता भई निर्माण कार्य भइरहेको छ । आधुनिक र व्यवस्थित फुटपाथसहितको सडक निर्माण हुनुका साथै महानगरको सौन्दर्यमा वृद्धि हुने दाहालको भनाइ छ । भरतपुर महानगरपालिका हुँदै जिल्लाको ठोरीसम्म पुग्ने हुलाकी सडकको काम पनि भइरहेको छ । महानगरभित्र पर्ने हाकिमचोक जगतपुर सडकमध्ये हाकिमचोकबाट पकौडीसम्म हालको छ मिटर सडकलाई सात मिटर कालोपत्रे बनाउने र बाँकी नौ किमी सडकखण्डलाई सतह ढल निर्माणसमेत गरी स्तरोन्नति गर्ने कार्य भइरहेको छ ।
चौबिसकोठी रामपुर चनौली मेघौली सडकखण्डमध्ये हाल रामपुर चनौलीखण्ड निर्माण सम्पन्न भएको छ भने चनौली–मेघौली सडकखण्डको निर्माण र मर्मत कार्य अगाडि बढिरहेको छ । दाहालका अनुसार ६५ किलोमिटर लिङ्करोडको काम अघि बढिरहेको छ ।
यसैगरी भरतपुर महानगरपालिका–२० मा प्रदेशस्तरको उद्योगग्राम र वडा नं २१ पार्वतीपुरमा सङ्घीय उद्योग ग्राम निर्माण अघि बढेको छ । पवित्र तीर्थस्थल देवघाटमा विद्युतीय शवदाहस्थल बन्दै छ । महानगरपालिकाभित्र नै नगरवासीलाई शुद्ध र गुणस्तरीय पिउने पानी प्रवाह गर्न व्यवस्थित खानेपानी सञ्जाल निर्माणको काम धमाधम भइरहेको दाहालले जानकारी दिइन् । महानगरभित्र विभिन्न आयोजना गरी खानेपानीतर्फ मात्रै रु दुई अर्ब ४१ करोडभन्दा बढीका आयोजना सञ्चालनमा रहेको उनको भनाइ छ । महानगर पूरै क्षेत्रलाई शुद्ध खानेपानी वितरण गर्ने लक्ष्यका साथ काम भइरहेको उनले बताइन् ।
महानगरभित्र रहेको सङ्घीय भरतपुर अस्पताल, बिपी कोइराला मेमोरियल क्यान्सरजस्ता स्वास्थ्य संस्थाको स्तरोन्नतिका लागि महानगरले काम गरिरहेको उहाँले जानकारी दिनुभयो । महानगरभित्र नारायणगढको लायन्सचोकमा बहुउद्देश्यीय भवन निजी क्षेत्रमार्फत् सम्पन्न गर्न बोलपत्र आह्वान भई प्राविधिक प्रस्तावसमेत पारित भइसकेको छ । तीस वर्षका लागि निजी क्षेत्रलाई उक्त भवन निर्माण र सञ्चालन गर्न दिन लागिएको हो । दाहालका अनुसार सो परियोजनाका लागि निजी क्षेत्रले रु एक अर्ब ७५ करोड हाराहारी खर्च गर्नेछन् । जहाँ पाँच तारे होटलदेखि अन्य महत्वपूर्ण व्यवसाय रहने छन् । उनले भनिन्, “यो महानगरको गहना हुनेछ ।”
यस्तै महानगरको भरतपुरमा हाल रहेको विमानस्थल विस्तारका लागि काम शुरु भएको छ । विमानस्थल तोकिएको मापदण्डभन्दा कम भई जोखिमयुक्त भएको र हालको मागलाई धान्न ठूला विमान ल्याउन आवश्यकसमेत भएकाले विमानस्थल विस्तार एवं सुधार गर्न लागिएको उनले बताइन् । महानगरपालिकाले विमानस्थल विस्तारका क्रममा स्थानान्तरण गर्नुपर्ने नेपाली सेनाको गण र घोडा प्रजनन केन्द्रका लागि वैकल्पिक जग्गासमेत तयार गरिसकेको छ ।
महानगरपालिकाको मुख्य शहरी क्षेत्रका सडकमा रु ११ करोड ४९ लाख ८९ हजार लागतमा स्मार्ट बत्ती जडानको काम पनि शुरु हुन थालेको छ । उक्त योजनाको बोलपत्र आह्वान भई काम अघि बढिरहेको छ । महानगरका उपप्रमुख पार्वती शाहले जनप्रतिनिधि आएसँगै महानगरको योजनाबद्ध विकास अघि बढेको बताइन् । उनले आवश्यकता र औचित्यका आधारमा विकासलाई अघि बढाइएको बताउँदै भनिन्, “महानगरमा ठूला आयोजनासँगै साना धेरै आयोजना अघि बढिरहेका छन् ।” महानगरभित्र अधिकांश सडक कालोपत्र गर्ने काम भइरहेको भन्दै उनले व्यवस्थित विकासमा महानगर जुटिरहेको बताइन् । देशकै नमूना शहरका रुपमा भरतपुरलाई विकास गर्ने गरी योजना अघि बढाइरहेको उनको भनाइ छ ।
यस क्षेत्रका प्रदेशसभा सदस्य विजय सुवेदीले तीन तहको सरकारको समन्वयमा भौतिक विकासका काम अघि बढिरहेको बताइन्। यहाँका स्थानीयले पनि विकासमा सहभागिता जनाउँदै साझेदारीको रुपमा काम गरिरहेको भन्दै उनले भनिन्, “भरतपुर विकासको गतिमा छ, यसले अग्रगमन लिइरहेको छ ।” (रासस)

68 Views

ताजा

घोराहीमा गठबन्धनलाई हराउँदै एमालेका चौधरी विजयी

२०७९ जेष्ठ ५ गते, बिहीबार

घोराहीमा गठबन्धनलाई हराउँदै एमालेका चौधरी विजयी

२०७९ जेष्ठ ५ गते, बिहीबार

तालमेलका कारण निर्वाचन परिणाम उत्साहजनक आयोः शर्मा

२०७९ जेष्ठ ५ गते, बिहीबार

चाँनगुनारायण– ७ मा राप्रपाबाट श्रेष्ठ विजयी

२०७९ जेष्ठ ५ गते, बिहीबार

काँग्रेसको गढमा काँग्रेसकै बागी उम्मेदवार राजुसिंह कठायत विजयी

२०७९ जेष्ठ ४ गते, बुधबार

बाँकेको डुडुवा गाउँपालिका अध्यक्ष र उपाध्यक्षमा कांग्रेस विजयी

२०७९ जेष्ठ ४ गते, बुधबार

राजेन्द्र लिङ्देनको गृहनगरमा उनका भाई रविन्द्र राप्रपाबाट विजयी

२०७९ जेष्ठ ४ गते, बुधबार

बाँसगढी नगरपालिकामा एमाले विजयी

२०७९ जेष्ठ ४ गते, बुधबार

काठमाडौं वडा नम्बर ७ मा पनि बालेन अगाडि

२०७९ जेष्ठ ४ गते, बुधबार

मेलम्चीमा भत्कियो एमालेको गढ, कांग्रेसले जित्यो मेयर

२०७९ जेष्ठ ४ गते, बुधबार

भक्तपुरको मध्यपुर थिमिमा जेठानले ज्वाइँलाई हराए

२०७९ जेष्ठ ४ गते, बुधबार

लोकप्रिय

मौन अविधि आज राति १२ बजेबाट सुरु हुने, उल्लंघन गरे कारबाही

२०७९ बैशाख २७ गते, मंगलवार

दाजुद्वारा भाईको कफीशप उद्घाटन

२०७८ पुष १९ गते, सोमबार
२९ गते नेपाल बन्द हुँदै

पेट्रोलियम पदार्थको मूल्यवृद्धिविरुद्ध ३० गते नेपाल बन्द

२०७८ कार्तिक २६ गते, शुक्रबार

सुरजवीर बज्राचार्यको नयाँ गीत ‘हाकुमैंचा’ सार्वजनिक (गीतसहित)

२०७८ भाद्र ६ गते, आईतवार

जेफ बेजोसले आज अंतरिक्षको उडान भर्ने, यो यात्रामा के–के होला

२०७८ श्रावण ५ गते, मंगलवार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

खुशीकाे खबर ! ३३ करोडको आईपीओ निष्कासन हुँदै, अब पैसा जम्मा गर्नुहाेस् ।

२०७८ असार २४ गते, बिहीबार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

यूनियन लाइफ इन्स्योरेन्सको आईपीओमा कति पर्यो आवेदन ?

२०७८ असार २४ गते, बिहीबार

2020 Copyrights Reserved at dnfkhabar.com

Designed & Developed By Web House Nepal