काठमाडौ । समग्र भक्तपुरको फुटवलको विकासमा इको प्यानल नेपालले सहयोग गरेको छ । आधुनिक निर्माण सामाग्री कम्पनीको रुपमा रहेको इको प्यानल नेपालले ससाना बालबालिकाहरुलाई निशुल्क फुटबल प्रशिक्षण दिंदै आएको ख्वप किङ फुटवल क्लब भक्तपुरलाई आर्थिक तथा भौतिक सहयोग गरेको हो । क्लवलाई इको प्यानल नेपालले तालिम सञ्चालनका लागि आर्थिकका साथै व्यानर, लोगो बनाउनलगायतका लागि भौतिक सहयोग गरेको जनाइएको छ । ख्वप किङ फुटवल क्लब भक्तपुरका संयोजक, ं अखिल नेपाल फुटबल संघ भक्तपुरका कोच एवं तालिमका प्रशिक्षण्क धनेश प्रजापतिले समग्र भक्तपुरको फुटबलको विकासका लागि आफूहरुले ६ वर्षदेखि माथिका बालबालिकाहरुलाई हप्तामा एक दिन शनिबार दुई घण्टा निःशुल्क फुटबल तालिम दिंदै आएको जानकारी गराए । यो तालिम अहिले सातौ हप्तामा पुगिसकेको उनले जनाए । भक्तपुरमा फुटवलको माहौल बनाऔं भन्ने हिसावले नयाँ पिढींको रुपमा आउने नयाँं पुस्तालाई निःशुल्क तालिम दिन थालेका हौं, तालिम प्रशिक्षक प्रजापतिले सुनाए, उनीहरु आएपछि भक्तपुरको फुटवलले फडको मार्ने विश्वास लिएका छौं ।
इको प्यानल नेपालको प्रमुख कार्यकारी अधिकृत सीईओ इन्जिनियर कृष्णभक्त दुवालले सामाजिक उतरदायित्व अन्तर्गत आफूहरुले सहयोग गरेको बताए । उनले राम्रो कामका लागि सदा सहयोग गर्न आफनो कम्पनी तयार रहेको बताए ।
इको प्यानल नेपाल स्थायी तथा अस्थायी संरचनामा भित्री तथा बाहिरी पार्टेशन वालको रुपमा इटाको विकल्पमा प्रयोग हुने आधुनिक निर्माण सामाग्री हो । हाल यसका उत्पादनहरु हुने क्रममा छ ।