काठमाडौं । राजधानीमा हालै वुमेन्स एरा एण्ड मिडिया ग्रुप नेपालव्दारा आयोजित कार्यक्रममा छायाकार जीवन पराजुलीको काम मूल्यांकन गर्दै ‘हिमालयन इन्टरनेशनल अवार्ड २०२१’ बाट पुरस्कृत गरेको छ । पराजुलीले चलचित्र ‘काले दाई’ बाट वेष्ट छायाँकारको अवार्ड पाएका हुन् ।
चलचित्र निर्माता संघका अध्यक्ष आकाश अधिकारीकोे प्रमुख आतिथ्यतामा सम्पन्न उक्त कार्यक्रममा बिशिष्ट ब्यक्तित्वहरुको उल्लेखनीय उपस्थिति रहेको थियो । झण्डै दर्जनको हाराहारी चलचित्र छायांकन गर्न भ्याएका छायाँकार जीवन पराजुली पराजुलीले मेरो आफ्नो, निर्जला, चियर्स, झमक बहादुर, काले दाई, किन रुन्छ मेरो मन, खतरनाक, स्पर्श आदि चलचित्रमा आफ्नो काम गर्ने क्षमता देखाईसकेका छन् । सिनेमा उद्योगमा एक दशक देखि नेपाली चलचित्र क्षेत्रको उत्थान र विकासको लागि आफ्नो अतुलनीय योगदान दिँदै आएका कुशल छायाँकार हुन् उनि ।